ტურინის "იუვენტუსის" ნახევარმცველმა ანდრეა პირლომ "სელტიკთან" ჩემპიონთა ლიგის მერვედფინალურ მატჩზე ისაუბრა, რომელიც 12 თებერვალს გაიმართება."ყველაფრისთვის მზად ვართ. ვნახეთ, როგორ მოუგო "სელტიკმა" "ბარსელონას", მაგრამ მგონია, რომ ჩვენ უკეთ ვართ მომზადებულნი, ვიდრე ესპანელები იყვნენ და ვიცით, რა გველის.
შოტლანდიელების ნებისმიერ თამაშს ვუპასუხებთ. თუ ისინი ფეხბურთს ითამაშებენ, იგივეს ვიზამთ ჩვენც. თუ ნამდვილი ბრძოლა სურთ, მაშინ უკომპრომისო ორთაბრძოლები გაჩაღდება", - თქვა პირლომ.
მომზადებულია Tuttosport-ის მიხედვით
