"ბარსელონას" ფორვარდმა ლიონელ მესიმ ჩემპიონთა ლიგის 1/8 ფინალის საპასუხო მატჩში "მილანის" განადგურებაზე ისაუბრა.სტუმრად მილანში განცდილი მარცხის (0:2) შემდეგ კატალონიელებმა 12 მარტს გამართულ საპასუხო შეხვედრაში მეტოქეს ოთხი უპასუხო გოლი გაუტანეს. დუბლი არგენტინელმა მიითვალა.
"დღეს ყველაზე მეტად სწორედ ეს გვჭირდებოდა. მნიშვნელოვანი არამარტო მეოთხედფინალში გასვლა, მილანური შედეგის დავიწყებაც იყო.
ყველაფერი ბრწყინვალედ გამოვიდა. მეხუთე წუთის შემდეგ, როდესაც ძალიან საჭირო გოლი გავიტანეთ, "მილანს" სულის მოთქმის საშუალება აღარ მივეცით.
გატანა თავიდანვე მხოლოდ იმიტომ კი არ გვეჩქარებოდა, რომ ანგარიშში სხვაობა სწრაფად შეგვემცირებინა, იმიტომაც, რომ გულშემატკივრებს იმედი
ჩვენ წლებია ამ დონის ფეხბურთს ვაჩვენებთ. შესაძლოა ბოლო მატჩებში ცოტა ცუდად გამოვიყურებოდით, თუმცა ამავდროულად ვიცოდით, შემდეგ რაუნდში გასვლისთვის რა იყო საჭირო. უბრალოდ, ჩვენი ფეხბურთი უნდა გვეთამაშა.
კარგად ვიცოდით, რა მოგვეთხოვებოდა და როგორ უნდა მიგვეღწია მიზნისთვის.
ეს სწორედ იმ "ბარსელონას" თამაში იყო, რომელსაც მატჩიდან მატჩამდე ველოდით ჩვენც და გულშემატკივრებიც", - აქვეყნებს მესის ნათვამს უეფას ოფიციალური საიტი.
"მილანთან" კარში შესრულებული დუბლის წყალობით, მესიმ ჩემპიონთა ლიგის ისტორიაში ბომბარდირთა დავაში 58 გატანილი გოლით მეორე ადგილზე აინაცვლა. პირველ ადგილზე კვლავაც მადრიდის "რეალის" ყოფილი ფეხბურთელი რაულია (71 გოლით). მესამე კი ჰოლანდიელი რუდ ვან ნისტელროი (57).
"უბრალოდ სასწაულია, რომ ამ გოლებმა ჩემპიონთა ლიგის საუკეთესო ბომბარდირთა სიაში მეორე ადგილი მომიტანა. ეს თავისთავად დიდი მიღწევაა, მაგრამ ყველაზე მთავარი "ბარსელონას" მეოთხედფინალში გასვლაა. დღეს ხომ ყველანი ამისთვის ვიბრძოდით", - დასძინა არგენტინელმა.
ასევე იხილეთ:
ბარსელონა-მილანი 4:0 - "მილანი" ნიანგის ცრემლებით ატირეს [VIDEO]
