ტურინის "იუვენტუსის" მთავარმა მწვრთნელმა ანტონიო კონტემ 2 აპრილს გასამართი ჩემპიონთა ლიგის პირველი მეოთხედფინალური მატჩის წინ კომენტარი გააკეთა. "ბებერი ქალბატონი" შეხვედრას სამშაბათს მიუნხენში, "ბაიერნთან" გამართავს.
"იტალიის ჩემპიონატში წარმატებისკენ სწორი გზით მივდივართ, ახლა კი იგივე ევროთასებზე უნდა შევძლოთ. "იუვენტუსი" მიუნხენში უშიშრად და საკუთარ თავში დარწმუნებული მიდის.
რაც მართალია, მართალია - "ბაიერნი" ძალიან სერიოზული მოწინააღმდეგეა, მაგრამ ჩვენ კვლავინდებურად გვჯერა იმის, რომ ჩვენი ოცნების ახდენას მიმდინარე სეზონშივე შევძლებთ", - აქვეყნებს იტალიელი სპეციალისტის ნათქვამს იტალიური პრესა.
