გალათასარაი-რეალი 3:2 - კითხვის ნიშნების გარეშე [VIDEO]

ამ წყვილში პირველი მატჩის (რეალი-გალათასარაი 3:0) შემდეგ ყველაფერი გარკვეული იყო, მაგრამ თურქულ გრანდს ეს გამარჯვება მაინც აქტივში ჩაეთვლება.

საინტერესოა ის, რომ ზუსტად ისე, როგორც 2001 წელს, პირველი ტაიმი ამჯერადაც "რეალმა" მოიგო, თამაში კი - "გალათასარაიმ".

მიუხედავად იმისა, რომ 72-ე წუთზე დიდიე დროგბამ ანგარიში 3:1 გახადა და იმ მომენტში "გალას" ყველა დროის უდიდესი საფეხბურთო სასწაულისთვის ორი გოლიღა სჭირდებოდა, მადრიდელებს რეალური ნერვიულობა არ დასტყობიათ, ჟოზე მოურინიოს გუნდის ნახევარფინალში გასვლა კითხვის ნიშნის ქვეშ არ დამდგარა.

ბოლოს კრიშტიანო რონალდომ დუბლი გაიფორმა და საბოლოო ჯამში, ორივე გუნდისთვის კომფორტული ანგარიში (3:2) დააფიქსირა.

"გალათასარაის" გასალანძღად ენა არავის მოუბრუნდება, ნახევარფინალში კი, როგორც მოსალოდნელი იყო, "რეალი" ითამაშებს.

ჩემპიონთა ლიგა. 1/4-ფინალი. საპასუხო მატჩი
გალათასარაი-რეალი 3:2 (0:3)
გოლები: 0:1 კ. რონალდო (8), 1:1 ებუე (58), 2:1 სნეიდერი (71), 3:1 დროგბა (72), 3:2 კ. რონალდო (92)

გალათასარაი (4-1-2-1-2): მუსლერა - ებუე (80. ელმანდერი), სემი კაია, გიოქჰან ზანი, რიერა - ფელიპე მელო - ჰამით ალთინთოფი (46. ამრაბატი), სელჩუკ ინანი - სნეიდერი - უმუთ ბულუთი (63. საბრი), დროგბა.
რეალი (4-2-3-1): დიეგო ლოპესი - ესიენი (31. არბელოა), ვარანი, პეპე, ფაბიო კოენტრაო - ხედირა, მოდრიჩი - დი მარია, იოზილი (81. რაულ ალბიოლი), კ. რონალდო - იგუაინი (73. ბენზემა).

გაფრთხილება: სნეიდერი, ებუე, ამრაბატი
გაძევება: არბელოა (90. რეალი)
კუთხური: 4-3; ჯარიმა: 21-15; თამაშგარე: 2-3; კარში დარტყმა: 13(5)-9(5); ბურთის ფლობა: 57%-43%.
მაყურებელი: 50 734


მატჩის შემდგომი კომენტარები:
ჟოზე მოურინიო: "გალათასარაი" 50 000-11-ზე გეთამაშება
ფატიჰ თერიმი: მესამე გოლის შემდეგ ნახევარფილაზე ოცნება დავიწყეთ





ყოველდღიური სპორტული გაზეთი "ლელო"

ასევე იხილეთ:
ჩემპიონთა ლიგა. 1/4-ფინალი. ოთხშაბათის მატჩის მიმოხილვა: "რეალმა" არც აცია, არც აცხელა...
რეალი-გალათასარაი 3:0 - "სამეფო კლუბმა" "ლომები" მოათვინიერა [VIDEO]