სტამბულში სენსაციურად დასრულდა 10 დეკემბრიდან გადმოდებული მატჩი "გალათასარაისა" და ტურინის "იუვენტუსს" შორის - 1:0 და იტალიური გრანდი ჩემპიონთა ლიგიდან გავარდა. შეგახსენებთ, რომ 10 დეკემბერს მატჩი პირველ ტაიმში ცუდი მეტეოროლოგიური პირობების გამო შეწყდა. კარგი ამინდი არც 11-ში იყო თურქეთში, თუმცა მოედანზე თოვლი მაინც არ იდო და თამაში შეიძლებოდა.
"იუვენტუსმა" რამდენიმე ხელსაყრელი შანსი გაუშვა ხელიდან და 85-ე წუთზე დაისაჯა - დიდიე დროგბას პასით ვესლი სნეიდერმა გაიტანა და ანტონიო კონტეს გუნდი ევროპალიგაზე გადაისროლა, მერვედფინალში კი, "რეალთან" ერთად, B ჯგუფიდან "გალათასარაი" გავიდა.
ასევე იხილეთ:
