მადრიდის "ატლეტიკოს" მთავარმა მწვრთნელმა დიეგო სიმეონემ უეფას ჩემპიონთა ლიგის 1/4-ფინალის მატჩის შემდეგ კომენტარი გააკეთა. 22 აპრილს გამართულ მადრიდულ დერბიში "რეალმა" მინიმალური ანგარიშით დაამარცხა "ატლეტიკო" და ორი მატჩის ჯამში ნახევარფინალში გავიდა.
"ამაყი ვარ ჩემი გუნდით. მთლიანობაში, ჩვენ ძალიან კარგად გავისარჯეთ ისეთ რთულ ტურნირში, როგორიც ჩემპიონთა ლიგაა. მართლა ბრწყინვალე გუნდი მყავს - ნამდვილი ვაჟკაცები, რომლებიც თავდაუზოგავად შრომობენ.
ხან წარმატებით ვთამაშობთ, ხან - წარუმატებლად, მაგრამ მიხარია ის, რომ სწორედ ამ ფეხბურთელების მწვრთნელი ვარ.
სირთულეები პირველ ათ
ბავშვობაში ბოლომდე ბრძოლას მასწავლიდნენ. როდესაც მთლიანად ვიხარჯებოდი და ვმარცხდებოდი, შინ მაინც საკუთარი თავით კმაყოფილი ვბრუნდებოდი. ალბათ, ყველა მწვრთნელის სურვილია, ჰყავდეს მოთამაშეები, რომლებიც მთელი 90 წუთის განმავლობაში არ ზოგავენ თავს, მიუხედავად ყველა სირთულისა.
ვულოცავთ მეტოქეს გამარჯვებას, რომელმაც კარგად ითამაშა და ლამაზი გოლიც გაიტანა", - თქვა სიმეონემ.
ჩემპიონთა ლიგის 1/2-ფინალების წილისწყრა 24 აპრილს გაიმართება.
![კვლავ ფორმაშია! - შოთა არველაძემ მადრიდის "რეალს" გაუტანა [VIDEO]](/pictures/image7/2d1f3aeb1efc7b85ecbdcc72c2873bff.png "კვლავ ფორმაშია! - შოთა არველაძემ მადრიდის \"რეალს\" გაუტანა [VIDEO]")
