"ბარსელონას" თავდამსხმელმა ნეიმარმა მიუნხენის "ბაიერნთან" (2:3) ჩემპიონთა ლიგის საპასუხო მატჩის შემდეგ კომენტარი გააკეთა.ბრაზილიელმა ფეხბურთელმა შეხვედრაში დუბლი შეასრულა.
შეგახსენებთ, რომ პირველ მატჩში ესპანელებმა იმარჯვეს (3:0) და შესაბამისად, ჩემპიონთა ლიგის ფინალში "ბარსელონა" გავიდა.
"მინდა, გუნდს კარგად ჩატარებული მატჩი მივულოცო. ძალიან მიხარია, რომ გავიტანე და ფინალში გავედით. ეს ძალიან მაგარია!
ახლა მხოლოდ ერთი ნაბიჯის გადადგმაღა დაგვრჩა. გასახდელში უკვე ცოტა აღვნიშნეთ ეგ ამბავი, მაგრამ წინ კიდევ ფინალია. ჩემთვის სულერთია, ვინ შეგვხვდება ფინალში", - თქვა ნეიმარმა.
მომზადებულია fcbarcelona.com-ის მიხედვით
