ჩემპიონთა ლიგის ჯგუფური ეტაპის ბოლო, მე-6 ტურში "სევილიას" წინააღმდეგ გასამართ შეხვედრაში, ტრავმის გამო ტურინის "იუვენტუსს" მარიო მანჯუკიჩი დააკლდება.ინფორმაციას ამის შესახებ Reuters-ი ავრცელებს.
კონკრეტულად რა სახის ტრავმა აქვს ხორვატ ფეხბურთელს და რამდენი ხნით დააკლდება ის გუნდს, ჯერჯერობით უცნობია.
ტურინელები ჯგუფში პირველ ადგილს იკავებენ და მეორეადგილოსან "მანჩესტერ სიტის" ორი ქულით უსწრებენ, "სევილიამ" კი პლეი-ოფში გასვლის შანსი დაკარგა და მხოლოდ მესამე ადგილზე მოსახვედრად იბრძოლებს, რომელიც ევროპის ლიგის საგზურს მოუტანს.
ტურინის "იუვენტუსსა" და "სევილიას" მატჩი დღეს, 8 დეკემბერს, ჩვენი დროით 23:45 საათზე დაიწყება.
