მეკარეები: როინ კვასხვაძე, ზურაბ მამალაძე;
მცველები: გიორგი ხიდეშელი, გიორგი ონიანი, ზაალ, ელიავა, მამუკა კობახიძე, კარენ მაკარიანი;
ნახევარმცველები: მურთაზ დაუშვილი, ალექსი ბენაშვილი, თორნიკე გორგიაშვილი,
თავდამსხმელები: ნიკოლოზ გელაშვილი, ჯაბა დვალი, გოგი ფიფია, საბა ლომია.
როგორც ხედავთ, ზესტაფონელებს თან ახლავს თავდამსხმელი "ფაეტანოსთან" პირველ მატჩში დუბლის ავტორი ჯაბა დვალი. სქმე ის არის, რომ სანმარინოელებთან საშინაო შეხვედრაში დვალი დაშავდა და საპასუხო მატჩში მისი თამაში საეჭვო იყო, მაგრამ იმერელთა მეგოლე უკვე კარგად გრძნობს თავს და მოედანზე გასვლაც შეუძლია. "ფაეტანოსთა" ზესტაფონური შეხვედრაში გუნდის განაცხადში არ ყოფილა ნახევარმცველი თორნიკე აფციაური. როგორც გავიგეთ, აფციაური უკეთ არის, მაგრამ, ექიმებმა მას სრულად გამოჯანმრთელების მიზნით, გამოჯანმრთელება ურჩიეს. იმერლებს თან არ ახლავს კიდევ ერთი ფეხბურთელი, ახალწვეული კახა ალადაშვილი. ამ 26 წლის ნახევარმცველმა ზესტაფონელთა კლუბთან, სამიოდე დღის წინ, 2-წლიანი კონტრაქტი გააფორმა. თუმცა უეფა განაცხადში მისი გვარი შეტანილი არ იყო და შესაბამისად გუნდს სან მარინოში ვერ დაეხმარება. მომდევნო რაუნდში ასპარეზობისას, ალადაშვილს უკვე შეეძლება "ზესტაფონის" რიგებში თამაში.
"ფაეტანოსთან" შინ 5:0 მოგების შემდეგ, ზესტაფონელების მომდევნო ეტაპზე გასვლაში, ეჭვი არავის ეპარება. იგივე ტენდენცია იგრძნობა "ფაეტანოს" მთავარ მწვრთნელ სერენო ურალდის მიერ სან მარინო ტელევიზიისთვის მიცემულ კომენტარშიც.
"ძლიერ მეტოქესთან ამჯერად შინ გვიწევს თამაში. სტუმრად დიდი ანგარიშით წაგების შემდეგ, ძნელია რაიმე მოტივაციაზე საუბარი. ჩემი ფეხბურთელებისგან მხოლოდ ერთს ვითხოთ, გვინდა ევროპის ლიგაზე გოლი გავიტანოთ და შევეცადოთ, შინ არ წავაგოთ".
დაბოლოს, "ფაეტანო"- "ზესტაფონის" მატჩი დღეს ფაეტანოში, "ოლიმპიკო სერავალეზე", თბილისის დროით 22:30 საათზე დაიწყება. შეხვედრას ანდორელ მსაჯთა ბრიგადა გაუძღვება. არბიტრი იგნასიო როზადოსი იქნება.
