დღეს ევროპალიგის 1/16-ფინალური ეტაპის პირველი მატჩები გაიმართება. სულ 15 წყვილია, რადგან "ფენერბაჰჩემ" და "ლოკომოტივმა" თავიანთი მატჩი უკვე გამართეს. ბრძოლაში ერთვება "სევილია", რომელიც გასული სეზონის გამარჯვებულია. "მანჩესტერ იუნაიტედი" ჩემპიონთა ლიგიდან ევროპალიგაზე გადმოერთო და დანიურ "მიდტიულანდს" სტუმრობს. ლუი ვან გაალს, თითქოს, პრობლემები აკლდა - მან გუნდის შეტევის ლიდერი უეინ რუნი დაკარგა.
გამოცდილ ფორვარდს მუხლის ტრავმა აქვს, რომელიც მას სულ მცირე, ორ თვეს გამოატოვებინებს. მოკლედ, აპრილამდე "იუნაიტედმა" რუნის გარეშე თამაში უნდა ისწავლოს და ეს დღეიდან უნდა დაიწყოს.
ლუი ვან გაალი (მანჩესტერი): "პირადად მირჩევნია
პლეი ოფის სტადიაზე მონაწილე 32 გუნდიდან 11-ს მოუგია ეს ტურნირი (ან მისი წინამორბედი უეფას თასი) წარსულში. ამ 11-მა კლუბმა ჯამში 18-ჯერ მოიგო პრესტიჟულობით ევროპის მეორე ტიტული.
ამათგან ყველაზე მეტჯერ "სევილიამ" მოიგო ტურნირი - 4-ჯერ. "ლივერპულის" ანგარიშზე სამი ტიტულია.
პლეი ოფის მონაწილე ხუთ გუნდს ჩემპიონთა ლიგა (ჩემპიონთა თასი) აქვს მოგებული - "დორტმუნდს", "მანჩესტერს", "ლივერპულს", "მარსელსა" და "პორტუს". სულ 12 ტიტული მოდის ამ ხუთ კლუბზე ("ლივერპული" 5-გზის გამარჯვებულია).
ხუთშაბათი. 18 თებერვალი
ანდერლეხტი-ოლიმპიაკოსი 22:00
დორტმუნდი-პორტუ 22:00
ფიორენტინა-ტოტენჰემი 22:00
მიდტიულანდი-მანჩესტერი 22:00
სევილია-მიოლდე 22:00
სტ. ეტიენი-ბაზელი 22:00
ვილიარეალი-ნაპოლი 22:00
აუგსბურგი-ლივერპული 00:05
გალათასარაი-ლაციო 00:05
მარსელი-ბილბაო 00:05
შახტარი-შალკე 00:05
სიონი-ბრაგა 00:05
სპარტა-კრასნოდარი 00:05
სპორტინგი-ლევერკუზენი 00:05
ვალენსია-რაპიდი 00:05
საპასუხო მატჩები - 25 თებერვალს.
ყოველდღიური სპორტული გაზეთი "ლელო"
