დიდი ხნის წინ ამბობდა ალექსანდრე ჩივაძე, რომ მწვრთნელობას დაუბრუნდებოდა, მაგრამ გადიოდა დრო და დაბრუნება არა და არ შედგა. გუშინ კი შევიტყვეთ: თბილისის "დინამოს" ლეგენდარული კაპიტანი ახალგაზრდული ნაკრების მწვრთნელად ინიშნება.ინფორმაცია სხვადასხვა წყაროებთან გადავამოწმეთ და დაგვიდასტურეს. მეტიც, ბატონმა საშამ გუშინ ფეხბურთის ფედერაციაში ახალგაზრდული ნაკრების მწვრთნელები შეკრიბა და სამუშაო გეგმა გააცნო.
ჩივაძე სამწვრთნელო შტაბში რევოლუციას არ გეგმავს: მას დაეხმარებიან ზაურ სვანაძე, გელა ინალიშვილი და მეკარეების მწვრთნელი დავით გვარამაძე, ანუ ვინც აქამდე ოთარ გაბელიასთან და სოსო ჭედიასთან მუშაობდა.
რაც შეეხება ახალგაზრდული ნაკრების აწ
გადაწყვეტილია, რომ ალექსანდრე ჩივაძის ხელმძღვანელობით ახალგაზრდული ნაკრები პირველ ამხანაგურ მატჩს თურქეთთან გამართავს: გუნდი 18 მარტს გაემგზავრება, მატჩი კი 21 მარტს დაიგეგმა.
შეგახსენებთ, რომ 56 წლის სპეციალისტი საქართველოს ეროვნულ ნაკრებს 1993-1997 და 2001-2003 წლებში ავარჯიშებდა. მისი ხელმძღვანელობით "ჯვაროსნებმა" არსებობის ისტორიაში საუკეთესო შედეგს მიაღწიეს - 1996 წლის ევროპის ჩემპიონატის შესარჩევ ციკლში საქართველო მესამე ადგილზე გავიდა.
სავარაუდოდ, ფეხბურთის ფედერაცია სამწვრთნელო ცვლილებებს დღეს დაგეგმილ პრესკონფერენციაზე განაცხადებს.
ყოველდღიური სპორტული გაზეთი "ლელო"
