საქართველოს 17-წლამდელთა ნაკრების მთავარ მწვრთნელად დანიშნული ნოდარ აკობია მოვალეობის შესრულებას 15 თებერვლიდან შეუდგება - საქართველოს ფეხბურთის ფედერაციის ვებგვერდის ცნობით, ათდღიანი შეკრება დაიწყება ზუგდიდში, "ბაიას" ბაზაზე.შეგახსენებთ, აკობია სათავეში 1996 წელს დაბადებული ფეხბურთელებით დაკომპლექტებულ ნაკრებს ჩაუდგა, რომელიც ევროპის ჩემპიონატის შესარჩევ ტურნირში შემოდგომიდან ჩაერთვება.
მწვრთნელს ზუგდიდში 23 ფეხბურთელი მიჰყავს: გიორგი ქურდაძე, გაგი მარგველაშვილი, გიორგი ხორხელი, ანრი არველაძე, თენგო მაკასარაშვილი (ყველა - "საბურთალო"), თორნიკე ტურავა, ჯემალ ტაბიძე, ზურაბ მალანია, ბაკურ გაბედავა, გიორგი თევზაძე, თენგიზ გოროზია, ნიკა ლაშხია (ყველა - "ბაია"), ზურაბ გელაშვილი ("ტორპედო"),
მალე აკობიას გუნდს ორი ტურნირი ელის. ქართველი 17-წლამდელები ძალებს ჯერ აპრილში, თბილისში გასამართ ოთხთა ტურნირზე მოსინჯავენ - ჩვენ გარდა სომხეთის, თურქეთისა და აზერბაიჯანის 17-წლამდელთა ნაკრებები იასპარეზებენ, 28 აპრილიდან 2 მაისის ჩათვლით კი ყაზახეთში "პრეზიდენტის თასის" გათამაშება გაიმართება, სადაც ჯგუფში საქართველოს ნაკრების მეტოქეები აზერბაიჯანი, ირანი და ჩინეთი იქნებიან.
ყოველდღიური სპორტული გაზეთი "ლელო"
