14-22 აპრილს თბილისში ოთხთა საერთაშორისო ტურნირი გაიმართება, რომელშიც მონაწილეობას საქართველოს, თურქეთის, აზერბაიჯანისა და სომხეთის 16-წლამდელთა ნაკრებები მიიღებენ.როგორც საქართველოს ფეხბურთის ფედერაციის ოფიციალური ვებგვერდი იტყობინება, საქართველოს ნაკრებმა, რომელსაც ნოდარ აკობია წვრთნის, საწვრთნელი შეკრება ზუგდიდში, "ბაიას" ბაზაზე დაიწყო.
აკობიამ შემდეგი ფეხბურთელები გამოიძახა: ბექა ქურდაძე, ოთარ გოშაძე, რუსლან ბედიევი, ნიკა დვალი, გიორგი სადღობელაშვილი, გიორგი აბელაშვილი, გიორგი გალდავაძე, გიორგი ქობულაძე, ნიკა ქორიძე, რატი კაკიაშვილი, ნიკა ლაშხია, გიორგი წივილაშვილი, ჯონი გოგლიჩიძე, ბექა მიქელთაძე, ანდრო ნემსაძე, ამირან გოგიაშვილი, ვასილ კაციტაძე, ირაკლი ჟვანია, გიორგი ახალაძე, ირაკლი ელიაური.
