საქართველოს 17-წლამდელთა ნაკრები ევროპის ჩემპიონატის ფინალური ეტაპისთვის მზადებას შეუდგა. ვასილ მაისურაძის გუნდი ტექნიკურ ცენტრ "ბასაზე" შეიკრიბა. სამწვრთნელო შტაბის განკარგულებაში 20 ფეხბურთელია, საიდანაც სლოვენიაში წასაყვანი 18 მოთამაშე უნდა შეარჩიოს.
იმ ფეხბურთელთაგან, რომლებმაც ელიტრაუნდში ითამაშეს, ნაკრებს არავინ გამოჰკლებია, თუმცა სულაც არ არის გამორიცხული, ელიტრაუნდის განაცხადში მყოფი 18-ეულიდან ფინალურ ეტაპზე ყველა ვერ მოხვდეს.
საქართველოს ნაკრები 20-კაციანი შემადგენლობით 22 აპრილს გამთენიისას გაემგზავრება ავსტრიაში, სადაც შეკრებას 2 მაისამდე გაივლის. ფინალური ეტაპისთვის 18-კაციანი განაცხადიც იქ შედგება.
ავსტრიიდან ლუბლიანამდე საქართველოს ნაკრები 50-კილომეტრიან დისტანციას ავტობუსით დაფარავს.
ყოველდღიური სპორტული
