საქართველოს 17-წლამდელთა ნაკრები უკვე ავსტრიაშია და ევროპის ჩემპიონატის ფინალური ეტაპისთვის მოსამზადებელ დასკვნით ეტაპს იქ გადის. ავსტრიაში გამგზავრებამდე ვასილ მაისურაძის გუნდი სამების საკათედრო ტაძარში ლოცვას დაესწრო, რის შემდეგაც საქართველოს ნაკრების მწვრთნელები და ფეხბურთელები საქართველოს კათოლიკოს-პატრიარქს, ილია მეორეს შეხვდნენ. პატრიარქი გუნდს გაესაუბრა, დალოცა და წარმატებები უსურვა.
საქართველოს ნაკრები ავსტრიის პატარა ქალაქ სენტ-ვაიტში დაგეგმილ დროს ჩავიდა და საწვრთნელ პროცესსაც შეუდგა. ქართველების განკარგულებაში მყუდრო სასტუმრო და სამი სავარჯიშო მოედანია. ავსტრიიდან სლოვენიაში ჩვენი გუნდი 2 მაისს ავტობუსით გადაინაცვლებს, 4 მაისს კი ევროპის ჩემპიონატის პირველ მატჩს
ცვლილებები არ შესულა ავსტრიაში გასამართი საკონტროლო შეხვედრების გრაფიკში - საქართველოს ნაკრები 25 და 28 აპრილს ადგილობრივი რეგიონის ჭაბუკთა ნაკრებებს გაეჯიბრება.
ქართველი 17-წლამდელები ავსტრიაში 19 ფეხბურთელით გაემგზავრნენ, შეკრებაზე კი გუნდს იტალიური "ემპოლის" თავდამსხმელი რომან ჭანტურია შეუერთდება. ავსტრიაშივე მაისურაძე და მისი ასისტენტები სლოვენიაში წასაყვან 18 მოთამაშეს შეარჩევენ.
საქართველოს ნაკრების გაფართოებული შემადგენლობა ასე გამოიყურება:
მეკარეები: ალექსანდრე ადამია ("ოლიმპი", თბილისი), ნიკოლოზ შერმადინი (უგუნდო);
მცველები: ნიკოლოზ ჭანტურია, გიორგი გოროზია, გიორგი გაბაძე (ყველა - "ლოკომოტივი", თბილისი), გიგა სამხარაძე, ოთარ კაკაბაძე (ორივე - "დინამო", თბილისი), ლაშა დვალი ("ოლიმპი", თბილისი)
ნახევარმცველები: გიორგი აბურჯანია ("ოლიმპი", თბილისი), მათე ცინცაძე ("ლოკომოტივი", თბილისი), არჩილ მესხი, ჭიაბერ ჭეჭელაშვილი, გიორგი პაპუნაშვილი (ყველა - "დინამო", თბილისი), ნიკოლოზ ახვლედიანი ("ბაია", ზუგდიდი), გიორგი თევზაძე ("საბურთალო")
თავდამსხმელები: დავით დარციმელია, ალეკო მზევაშვილი, დავით ჯიქია (ყველა - "ლოკომოტივი", თბილისი), ვანო წილოსანი ("დინამო", თბილისი), რომან ჭანტურია ("ემპოლი", იტალია).
ყოველდღიური სპორტული გაზეთი "ლელო"
