20 აგვისტოს, გამთენიისას, ლიტვაში გაემგზავრა საქართველოს 16-წლამდელთა ნაკრები გუნდი, რომელსაც ნოდარ აკობია ხელმძღვანელობს.ჩვენი ასაკობრივი ნაკრები 21-27 აგვისტოს პალანგას ყოველწლიურ საერთაშორისო ტურნირზე იასპარეზებს.
პალანგას ტურნირი წლეულს უკვე მეცხრამეტედ ტარდება. ქართული ასაკობრივი ნაკრებები კი ლიტვას თითქმის ყოველწლიურად სტუმრობენ. 2009 წელს, გიორგი დევდარიანის ხელმძღვანელობით, ჩვენებმა ტურნირის მოგებაც შეძლეს.
შარშან პალანგაში ვასილ მაისურაძე და ქართველი გულშემატკივრისთვის კარგად ცნობილი 1995 წელს დაბადებულთა გუნდი იმყოფებოდა. 17-წლამდელებმა ტურნირის ფინალი ითამაშეს და ლიტვის ასაკობრივ ნაკრებთან პენალტების სერიაში დამარცხდნენ.
წელს ტურნირში მონაწილეობენ საქართველოს, ლიტვის, ლატვიის, აზერბაიჯანის, ბელარუსის და
ტურნირი 21 აგვისტოს დაიწყება. საქართველოს ნაკრები კი სადებიუტო შეხვედრაში მასპინძელ, ლიტვის ნაკრებს დაუპირისპირდება. შეხვედრა თბილისის დროით 20:00 საათზე დაიწყება. ამ დღესვე გაიმართება ლატვიისა და აზერბაიჯანის გუნდების მატჩიც.
23 აგვისტო
ბელარუსი - ლატვია
ლიტვა - გერმანიის რეგიონალური ნაკრები
25 აგვისტო
აზერბაიჯანი - ბელარუსი
გერმანიის რეგიონალური ნაკრები - საქართველო (თბილისის დროით 20:00 საათი)
26 აგვისტო
A ჯგუფის მესამეადგილოსანი - B ჯგუფის მესამეადგილოსანი
A ჯგუფის მეორეადგილოსანი - B ჯგუფის მეორეადგილოსანი
ფინალი (თბილისის დროით 17:00 საათი) და პრიზიორთა დაჯილდოება
საქართველოს 16-წლამდელთა ნაკრები პალანგაში ასეთი შემადგენლობით იასპარეზებს:
მეკარეები: ბექა ქურდაძე ("საბურთალო"), რომან ტურავა ("ბაია", ზუგდიდი)
მცველები: გიორგი სადღობელაშვილი ("დინამო" თბილისი), გიორგი აბელაშვილი, დავით ჯავახიშვილი, გუგა თვარაძე (სამივე "საბურთალო"), ირაკლი კომახიძე ("ქობულეთი")
ნახევარმცველები: გიორგი ქობულაძე, ნიკა ქორიძე (ორივე 35-ე სკოლა), ნიკა ლაშხია, ირაკლი ჟვანია (ორივე "ბაია", ზუგდიდი), გურამ გოშთელიანი, ლადო მამუჩიშვილი (ორივე "საბურთალო"), ვასილ კაციტაძე ("დინამო" თბილისი), გიორგი კურმაშვილი ("დილა", გორი)
თავდამსხმელები: გიგა წურწუმია ("ბაია", ზუგდიდი), გიორგი წივილაშვილი ("საბურთალო"), დავით კაპანაძე ("დილა", გორი)
gff.ge
