საქართველოს ფეხბურთის ფედერაციის ტექნიკურ ცენტრ "ბასაზე" ევროპის ჩემპიონატის პირველი შესარჩევი ეტაპისთვის დასკვნითი მოსამზადებელი შეკრება დაიწყო საქართველოს 17-წლამდელთა ნაკრებმა. გუნდის მთავარი მწვრთნელის, გიორგი დევდარიანის განკარგულებაში დღეისთვის 22 ფეხბურთელია:
მეკარეები: ოთარ გოშაძე, ბექა ქურდაძე (ორივე საბურთალო);
მცველები: ჯემალ ტაბიძე, გაგი მარგველაშვილი, ნიკა ველიაშვილი (ყველა - საბურთალო), ომარ პატარკაციშვილი (ლოკომოტივი, თბილისი), აკაკი შულაია (მერანი, მარტვილი), ზურაბ გელაშვილი (ტორპედო, ქუთაისი), თემურ ბაგრატიონი (მეტალურგი, რუსთავი);
ნახევარმცველები: გიორგი თევზაძე, გიორგი ხარაიშვილი, ირაკლი რუხაძე (ყველა - საბურთალო), თენგიზ გოროზია (დინამო, თბილისი), ცოტნე მესხი (ლოკომოტივი, თბილისი), ნიკა ლაშხია,
თავდამსხმელები: ილია კერძევაძე (ზესტაფონი), ლუკა ზარანდია (ლოკომოტივი, თბილისი), რომან ჭანტურია (ემპოლი, იტალია), ოთარ კობახიძე (დინამო, თბილისი).
ამ 22-დან ოფიციალური მატჩებისთვის სამწვრთნელო შტაბს 17 ფეხბურთელის შერჩევა მოუწევს.
გუნდმა ტესტ-მატჩი გამართა საჩხერის "ჩიხურას" ახალგაზრდულ გუნდთან და მინიმალური ანგარიშით, 0:1 დამარცხდა.
27 ოქტომბრიდან დევდარიანის გუნდი ვარჯიშებს საგურამოში ჩაატარებს. შეგახსენებთ, თბილისური შესარჩევი ჯგუფი ჩვენს 17-წლამდელებს 30 ოქტომბერს ეწყებათ. საქართველოს ნაკრები ყველა მატჩს "მიხეილ მესხზე" ჩაატარებს და მათზე დასწრება თავისუფალი იქნება.
ყოველდღიური სპორტული გაზეთი "ლელო"
