რამდენიმე დღის წინ ევროპის 21-წლამდელთა 2015 წლის ჩემპიონატის შესარჩევი ტურნირის წილისყრა გაიმართა, რომელმაც საქართველოს ნაკრებს მეტოქეებად ჰოლანდია, შოტლანდია, სლოვაკეთი და ლუქსემბურგი არგუნა.6 თებერვალს, ეროვნული ნაკრებების პარალელურად, ახალგაზრდულების ამხანაგურებიც გაიმართა და ალექსანდრე ჩივაძის გუნდის მეტოქეებმაც ითამაშეს.
ჰოლანდიელი 21-წლამდელები ისრაელს ესტუმრნენ და 0:3 განადგურდნენ. დაგვეთანხმებით, მოულოდნელი შედეგია, ჰოლანდიის ნაკრები ხომ ჩვენი ჯგუფის ფავორიტია. ამ შედეგმა კი დაგვანახა, რომ ახალგაზრდა "ნარინჯისფერებთან" წარმატებისთვის ბრძოლა შეიძლება და იმედია, ჩვენი გუნდი ამას მოახერხებს.
შოტლანდიის ახალგაზრდული ნაკრები სტუმრად საბერძნეთს დაუზავდა - 1:1. ბერძნები მე-12 წუთზე დაწინაურდნენ,
ასევე გასვლითი შეხვედრა ჩაატარა სლოვაკეთმა და შვეიცარიას 1:0 მოუგო. ეს შედეგიც მოულოდნელობად უნდა შევაფასოთ, რადგან შვეიცარიელი 21-წლამდელები თავის ასაკში ყოველთვის საუკეთესოთა შორის არიან, რაც წინა საკვალიფიკაციო ციკლში საქართველოს ნაკრებმა საკუთარ თავზე იწვნია.
სლოვაკებმა მესაროშის მიერ 68-ე წუთზე გატანილი გოლით გაიმარჯვეს.
ლუქსემბურგისა და საქართველოს ახალგაზრდულ ნაკრებებს კი ეს დღე არ გამოუყენებიათ. ლუქსემბურგელთა პრობლემები ნაკლებად გვაღელვებს, აი, ჩვენი ფეხბურთის ფედერაციას კი ჩივაძის გუნდისთვის სპარინგ-პარტნიორის მოძიება მართებდა.
საერთაშორისო სანაკრებო დღეს უქმად ყოფნა საქართველოს ახალგაზრდული ნაკრების წისქვილზე ნამდვილად არ დაასხამს წყალს.
ყოველდღიური სპორტული გაზეთი "ლელო"
ასევე იხილეთ:
ალექსანდრე ჩივაძე: წილისყრით უკმაყოფილო ნამდვილად არ ვარ
U21. წილისყრა: გრანდებიდან მხოლოდ ჰოლანდია გვერგო
