პორტუგალიის საერთაშორისო ოთხთა ტურნირზე საქართველოს 19-წლამდელთა ნაკრები კვლავ დამარცხდა.25 აპრილს გია ცეცაძის გაწვრთნილები სტადიონ "ფერნანდო სანტოსზე" სერბებს დაუპირისპირდნენ.
მანამდე გეტყვით, რომ პორტუგალიასთან პირველ შეხვედრაში 0:2 კი დავმარცხდით, მაგრამ პორტუგალიის ფედერაციის ვებგვერდზე ნანახმა ვიდეოკადრებმა გაოგნებულები დაგვტოვა: პირველ ტაიმში ჩვენი მოთამაშეები სამჯერ დარჩნენ მეკარესთან პირისპირ, მეორე ტაიმში კი ოთხი რეალური საგოლე მომენტი შექმნეს და ვერც ერთით ისარგებლეს!
ისიც აღსანიშნავია, რომ დაცვაში მეტისმეტად ბავშვურ შეცდომებს უშვებდნენ.
სერბეთთან შეხვედრის პირველი ტაიმი 0:0 დასრულდა. 73-ე წუთზე კი საქართველოს გუნდი ყაზანის "რუბინი 2"-ის თავდამსხმელმა ნიკა
90-ე წუთზე კაჭარავამ მეორე ყვითელი ბარათი მიიღო და მოედნის დატოვება მოუხდა, სერბებმა კი გამარჯვების გოლი გაგვიტანეს და 2:1 გაიმარჯვეს.
საქართველო: მიქავა, გეგეჭკორი, სანდოხაძე, დვალი (85. ჭანტურია), უბილავა (60. მთივლიშვილი), ენდელაძე (60 კაჭარავა), ცნობილაძე, მარკოზაშვილი (67. სამუშია), ზივზივაძე, არაბული, ფანცულაია.
პორტუგალია-რუსეთის შეხვედრაც დაძაბულად წარიმართა. ერთადერთი გოლი მასპინძლებმა 71-ე წუთზე გაიტანეს, 1:0 გაიმარჯვეს და სატურნირო ცხრილს სათავეში მოექცნენ.
საქართველოს ნაკრები ბოლო შეხვედრას 27 აპრილს რუსეთთან გამართავს.
(იბეჭდება მცირე ცვლილებით)
ყოველდღიური სპორტული გაზეთი "ლელო"
ასევე იხილეთ:
საქართველოს 19-წლამდელთა ნაკრები პორტუგალიასთან დამარცხდა
