ასტანაში დასრულდა ყაზახეთის "პრეზიდენტის თასის" 2013 წლის გათამაშება 1997 წელს დაბადებულ ფეხბურთელთა ნაკრებებს შორის, სადაც საქართველოს ნაკრები ერთი წლით უმცროსი მოთამაშეებით იყო წარმოდგენილი.გოჩა ტყებუჩავას გუნდმა 1 შეხვედრა წააგო, 1 ფრედ დაამთავრა, 2 მოიგო და საბოლოოდ, ეს შედეგი მხოლოდ მეხუთე ადგილის დასაკავებლად აღმოჩნდა საკმარისი.
ბოლო შეხვედრაში ჩვენი ნაკრები ყირგიზეთის გუნდს შეხვდა და უდავო უპირატესობით - 6:0 გაიმარჯვა.
ჰეთ თრიქი შეასრულა ნიკა კვანტალიანმა, თითო გოლი კი ვატო არველაძემ, გიორგი არაბიძემ და ირაკლი ბუღრიძემ გაიტანეს.
ახალგაზრდა ქართველი ფეხბურთელები კოლოსალურ უპირატესობას ფლობდნენ და
ტურნირის გამარჯვებული ყაზახეთის 16-წლამდელთა ნაკრები გახდა, რომელმაც ფინალურ მატჩში მინიმალური ანგარიშით - 1:0 დაამარცხა ირანის ნაკრები.
ასე რომ, საბოლოო შედეგები ასეთია:
I - ყაზახეთი
II - ირანი
III - ლიტვა
IV - აზერბაიჯანი
V - საქართველო
VI - ყირგიზეთი
VII - "ბოტაფოგო"
VIII - ჩინეთი
სფფ-ის პრესსამსახური
