17-წლამდელთა ნაკრები კასპიის თასზე მეოთხე ადგილზე გავიდა

საქართველოს 17-წლამდელთა ნაკრებმა ბაქოში გათამაშებული კასპიის თასი მეოთხე ადგილზე დაასრულა: ნოდარ აკობიას გუნდმა მესამე ადგილისთვის შეხვედრაში იაპონიასთან 0:0 ითამაშა, პენალტების სერიაში კი ხელი მოეცარა - 3:5.

ჩვენმა გუნდმა აზერბაიჯანის ტრადიციულ საერთაშორისო ტურნირზე აქამდე 3 შეხვედრა ჩაატარა: ჯგუფში ყაზახეთს 13:1, ხოლო ბულგარეთს 2:0 აჯობა; ნახევარფინალში მასპინძლებთან 0:0 ითამაშა, პენალტებში კი 4:5 დამარცხდა.

შარშან კასპიის თასზე ქართველმა 16-წლამდელებმა ითამაშეს და მთავარი პრიზიც მოიგეს. იმ ტურნირის მსვლელობისას ჩვენმა გუნდმა იაპონიას 6:3 სძლია.

5 ივნისი, 2013. კასპიის თასი. აზერბაიჯანი, ბაქო, ბაუილი
იაპონია-საქართველო 0:0 (პენ

5:3)
პენალტები: 1:0 რ. დოანი, 1:1 რატი კაკიაშვილი, 2:1 რ. ტანაკა, 2:2 ირაკლი ბიძინაშვილი, 3:2 ო. იეჰა, 3:2 გიორგი წივილაშვილი (მეკარე), 4:2 ტ. სასაკი, 4:3 ანდრო ნემსაძე, 5:3 ი. ნაკაგავა
საქართველო: ბექა ქურდაძე, ირაკლი კომახიძე, ვასილ კაციტაძე, რატი კაკიაშვილი (კაპ), ცოტნე ნადარაია, ნიკა ქორიძე (გიორგი ზარია 68), გურამ გოშთელიანი (ირაკლი ბიძინაშვილი 41), გიორგი ბერიძე (გიორგი ჯობავა 56), ნიკა ლაშხია (ანდრო ნემსაძე 41), ბექა მიქელთაძე (გიორგი წივილაშვილი 49), გიორგი არაბიძე
მწვრთნელი: ნოდარ აკობია
გაძევება: ცოტნე ნადარაია (68)
მსაჯი: რ. ჰასანოვი (აზერბაიჯანი)

msy.gov.ge

ასევე იხილეთ:
საქართველოს 17-წლამდელთა ნაკრებმა ფინალის საგზური აზერბაიჯანს დაუთმო
U17. საქართველო-ბულგარეთი 2:0 - საქართველო ნახევარფინალშია
U17. საქართველო-ყაზახეთი 13:1 - რეკორდების დღე ბაქოში