საქართველოს 17-წლამდელთა ნაკრებმა პოლონეთში მიმდინარე ტრადიციულ საერთაშორისო ტურნირზე (Syrenka Cup) პირველი მატჩი ნორვეგიასთან 1:1 ითამაშა. ანგარიში ნორვეგიელებმა გახსნეს, მაგრამ ნოდარ აკობიას გუნდმა წონასწორობა ბოლო, მე-80 წუთზე (ამ ასაკში 40-წუთიანი ტაიმებია) აღადგინა.
პენალტების სერიაში კი "ჯვაროსნებმა" გაიმარჯვეს და ნახევარფინალში გავიდნენ, სადაც მეტოქედ პოლონეთი ერგოთ. ტურნირის მასპინძლებმა კვიპროსს 5:0 მოუგეს.
სამწუხაროდ, ნახევარფინალში ვერ ვივარგეთ. ანგარიში მე-4 წუთზე მასპინძლებმა გახსნეს.
ქართველებმა წონასწორობა 50-ე წუთზე აღადგინეს, მაგრამ 64-ე წუთზე პოლონელები კვლავ დაწინაურდნენ და უპირატესობა ბოლომდე შეინარჩუნეს.
აკობიას გუნდი 30 აგვისტოს III ადგილისთვის მატჩს დანიასთან
შეგახსენებთ, რომ შარშან ჩვენი 17-წლამდელები, რომელთაც მაშინ გიორგი დევდარიანი ავარჯიშებდა, ამავე ტურნირის ფინალში გავიდნენ და დანიასთან 1:2 დამარცხდნენ.
ყოველდღიური სპორტული გაზეთი "ლელო"
![19-წლამდელებმა შოტლანდია დაამარცხეს, 17-წლამდელებმა - თურქეთი [VIDEO]](/pictures/image7/f8e0bc2725c6ff98f1e7c80d1e2f0b7e.jpg "19-წლამდელებმა შოტლანდია დაამარცხეს, 17-წლამდელებმა - თურქეთი [VIDEO]")
![ელიტრაუნდი 17-წლამდელებმაც მარცხით დაიწყეს [VIDEO]](/pictures/image7/12fdde7dcd7d45ac33a32de26b676ca6.jpg "ელიტრაუნდი 17-წლამდელებმაც მარცხით დაიწყეს [VIDEO]")
