17-წლამდელთა ნაკრები - ჰოლანდიაში, ერეკლე მალაზონია და თორნიკე მუზაშვილი - თბილისში

საქართველოს 17-წლამდელთა ნაკრებმა გერმანული შეკრება დაასრულა და დღეიდან ჰოლანდიაში გადაბარგდება, სადაც 12 მარტს ევროპის ჩემპიონატის ელიტრაუნდი იწყება.

მასპინძელი ნაკრების გარდა, ჩვენს გუნდს ბელგიელ და ჩრდილოირლანდიელ თანატოლებთან ექნებათ ურთიერთობა გასარკვევი.

გერმანული შეკრების შემდეგ გოჩა ტყებუჩავამ საელიტრაუნდოდ ორ ფეხბურთელზე თქვა უარი. თბილისში ბრუნდებიან თორნიკე მუზაშვილი და ერეკლე მალაზონია.

მეკარეები: გიორგი ჩოჩიშვილი ("საბურთალო"), ლევან ისიანი ("დინამო", თბილისი).
მცველები: ნიკა ყურშავიშვილი, ლუკა ლოჩოშვილი, დავით კობოური (ყველა - "დინამო", თბილისი), გიორგი ბერძენაძე ("ტორპედო", ქუთაისი), ომარ ბულუხაძე ("საბურთალო"), თორნიკე ჭურაძე ("ზესტაფონი").
ნახევარმცველები: ბექა ნიკოლაშვილი, გიორგი კოხრეიძე, გაგა კუხიანიძე (ყველა - "საბურთალო"), ვატო არველაძე ("ქასიმფაშა", თურქეთი), აკაკი ყურაშვილი ("დინამო", თბილისი), რატი არდაზიშვილი, დავით სამურკასოვი (ორივე - "ლოკომოტივი", თბილისი).
თავდამსხმელები: გიორგი არაბიძე ("ლოკომოტივი", თბილისი), ირაკლი ბუღრიძე ("დინამო", თბილისი), გიორგი გვასალია ("ვიტ ჯორჯია").

ელიტრაუნდის სასტარტო მატჩს საქართველოს ნაკრები 12 მარტს, 22 საათზე ჰოლანდიელ 17-წლამდელებთან გამართავს. სამი საათით ადრე ბელგია და ჩრდილოეთი ირლანდია ითამაშებენ.

ჩვენი მატჩის ვრცელ წინათქმას "ლელოს" მომდევნო ნომერში შემოგთავაზებთ.

(იბეჭდება მცირე ცვლილებით)
ყოველდღიური სპორტული გაზეთი "ლელო"