3 ივნისს, სან მარინოს ქალაქ სერავალეში, ევროპის ახალგაზრდული ჩემპიონატის შესარჩევ მატჩში სან მარინოს საქართველოს ნაკრები ესტუმრა და 3:0 დაამარცხა.ანგარიში ტაიმის მიწურულს გაიხსნა, როცა უბილავას პასით გოლი ნიკა კაჭარავამ გაიტანა. მიმდინარეობდა მატჩის 44-ე წუთი.
58-ე წუთზე ნიკა კაჭარავამ დუბლი შეასრულა, 81-ე წუთზე გიორგი პაპუნაშვილმა საბოლოო ანგარიში დააფიქსირა. მასპინძლები ბოლო წუთზე ათნი დარჩნენ.
ეს 2017 წლის ევროპის ახალგაზრდული ჩემპიონატის მე-6 შესარჩევი ჯგუფის პირველი მატჩია. ფინალური ეტაპი 2017 წელს პოლონეთში გაიმართება.
სან მარინოს გარდა, ჩვენი მეტოქეები ხორვატია, ესტონეთი, ესპანეთი და შვედეთია.
