თბილისის "ლოკომოტივი" "გაგრას" კაპიტანს იმატებს

Sportall.ge-ს ინფორმაციით, საფეხბურთო კლუბ "გაგრას" აწ უკვე ყოფილი ფეხბურთელი ლევან ქურდაძე კარიერას თბილისის "ლოკომოტივში" გააგრძელებს.

როგორც შევიტყვეთ, 26 წლის ფეხბურთელი თბილისელებთან 1,5-წლიან კონტრაქტს გააფორმებს.

ქურდაძე ამპლუით ცენტრალური მცველია. კარიერის განმავლობაში მას ლანჩხუთის "გურიაში", "ცხინვალში", "ზუგდიდში", "მერცხალში" აქვს ნათამაშები. 2016 წლის იანვარში ქურდაძე "გურიიდან" "გაგრაში" გადავიდა და გუნდის კაპიტანიც იყო.