ორდღიანი სააღდგომო პაუზის შემდეგ, 26 აპრილს ქუთაისის "ტორპედო" შეიკრიბა და "სამტრედიასთან" თამაშისათვის ვარჯიში დაიწყო, რომელსაც ეროვნული თასის სამზადისად განიხილავს. ქუთაისური კლუბის პრესსამსახურის ცნობით, "დინამოსა" და "ვიტ ჯორჯიას" შეხვედრის შემდეგ ჩემპიონატის ცხრილის მეოთხე საფეხურიდან მეხუთეზე დაქვეითებული ტორპედოელები იმედოვნებენ, რომ ეს დროებითი ამბავია და მალე კვლავ დაწინაურდებიან.
"ბუნებრივია, ყურადღება უფრო თასის ნახევარფინალური ეტაპის განმეორებითი მატჩისკენაა მიპყრობილი, მაგრამ, ამის მიუხედავად, გია გიგატაძე 30 აპრილს ჩემპიონატის მატჩზე ფეხბურთელთა დასვენებას არ აპირებს" - იუწყება "ტორპედოს" ვებგვერდი.
"სამტრედიასთან" შეხვედრას ქუთაისელები დიდ მნიშვნელობას ანიჭებენ, რაც "ტორპედოს" მეკარეთა
"რა თქმა უნდა, "სამტრედიასთან" მოგებას ვგეგმავთ, მაგრამ, მიუხედავად სატურნირო მდგომარეობისა, მეტოქე მაინც იბრძოლებს. გამარჯვებას სწრაფი გოლი გაგვიადვილებს. კალენდარი მეოთხე ადგილზე დაბრუნებაში ხელს გვიწყობს, თუმცა ეს მხოლოდ პრესტიჟის საქმეა. გუნდი კი "ზესტაფონთან" 4 მაისის სათასო განმეორებით ნახევარფინალურ შეხვედრაზეა ორიენტირებული.
არავითარ შემთხვევაში არ უნდა გავაკეთოთ აქცენტი დაცვაზე და "ზესტაფონს" კვლავ ისეთ თამაშს შევთავაზებთ, როგორიც პირველ შეხვედრაში დავუპირისპირეთ" - თქვა "ტორპედოს" ვებგვერდთან ინტერვიუში მცველმა თენგიზ ჩიკვილაძემ.
