ფეხბურთის ფედერაციის პრეზიდენტ ზვიად სიჭინავას განცხადებას საფეხბურთო სამყაროში დიდი რეზონანსი მოჰყვა. საქართველოს ეროვნული ჩემპიონატის სტრუქტურულ ცვლილებებთან დაკავშირებულ პროექტს უმაღლესი ლიგის 12 გუნდამდე გაზრდის შესახებ კატეგორიულად ეწინააღმდეგება "ზესტაფონის"პრეზიდენტი ილია კოკაია:
- ჯერ იმით დავიწყოთ, რომ 12-გუნდიანი ჩემპიონატი რომ გვქონდეს, უპირველესად, 12 ნორმალური სტადიონი და მოედანია საჭირო. თუ 20 მაისს აღმასკომი ლიგის გაზრდაზე მიიღებს გადაწყვეტილებას, ეს ჩემთვის გაუგებარი იქნება.
- ჯერ ხომ საკითხი არ დამტკიცებულა და აღმასკომზე განიხილავენ.
- მე სწორედ ეს არ მესმის, რა საჭიროა ჩემპიონატის დასრულებამდე ერთი ტურით ადრე
ჩვენ კი არ ვზარალდებით, მაგრამ კლუბების წარმომადგენლებს და აღმასკომის წევრებს მოვუწოდებ - კიდევ ერთ ლახვარს ნუ ჩასცემენ ქართულ ფეხბურთს. მიკვირს, ასეთ პროექტზე რომ მუშაობენ, კლუბებთან დალაპარაკება და ჩვენი აზრის მოსმენა არ აინტერესებთ? გეფიცებით, რა, თუ ასე გაგრძელდა, შეიძლება ფეხბურთს თავი მივანებო.
