საქართველოს ეროვნული ჩემპიონატის ახალი რეგლამენტის პროექტის გამო ფეხბურთის ფედერაციის და კლუბების ხელმძღვანელთა შეხვედრა საინტერესოდ და მწვავე დისკუსიების ფონზე გაიმართა. რეგლამენტის შეცვლის მოწინააღმდეგე ილია კოკაიას ("ზესტაფონის" პრეზიდენტი) მხარი აუბეს თბილისის "დინამოს", რუსთავის "ოლიმპის", ქუთაისის "ტორპედოს", "გაგრას" და თბილისის "ლოკომოტივის" წარმოადგენლებმა. მათი წინაღმდეგობის შედეგად, აღმასკომზე პროექტის განხილვა გადაიდო.ქუთაისის "ტორპედოს" აღმასრულებელი დირექტორი გიორგი პაპიაშვილი ამბობს, თუ რატომ იყო პროექტის წინააღმდეგი:
"ახალი პროექტი უდავოდ საინტერესოა, არა მხოლოდ იმიტომ, რომ ვალდებული გავხდებით მეტი მოედანი გავაკეთოთ, არამედ იმიტომაც, რომ მეტ ფეხბურთელს მიეცემა ნიჭის გამოვლენის საშუალება.
მაგრამ ჩვენ თავს ვიკავებთ მხოლოდ ამ ეტაპზე, სანამ ეს პრობლემები მოგვარდება. ფედერაციის პრეზიდენტმა ზვიად სიჭინავამ კი თქვა, რომ რეალურად შესაძლებელია ამ პრობლემების მოგვარება. თუ ასეც მოხდება, ჩვენ მაშინ პროექტს მხარს დავუჭერთ.
სხვანაირად არც გამოვა. ჩვენ აბსოლუტურად ვიზიარებთ ბატონ ზვიადის არგუმენტს, რომ მეტი გუნდი მეტი ტალანტის წარმოჩენას შეუწყობს ხელს, მაგრამ რადგან ჩვენი კლუბი უპირველესად ეროვნული ჩემპიონატის ხარისხის გაზრდას უჭერს მხარს, ხარისხი კი ხეირიანი მინდვრების გარეშე წარმოუდგენელია. პირიქით, უხარისხო მოედნებზე მოთამაშეები ვერ გაიზრდებიან" - ამბობს პაპიაშვილი.
