გიორგი ჭედია კარიერას "გაგრაში" გააგრძელებს. თავდამსხმელმა აზერბაიჯანის ჩემპიონატის უმაღლესლიგელი თავუზის "თურანი" სეზონის ბოლოს დატოვა. მას არც აზერბაიჯანში დარჩენის დიდი სურვილი ჰქონდა და საქართველოში რამდენიმე გუნდიც იწვევდა. 22 წლის თავდამსხმელი ბოლოს "გაგრას" შეუთანხმდა."რამდენიმე გუნდთან მქონდა მოლაპარაკება, საბოლოოდ არჩევანი "გაგრაზე" შევაჩერე და ერთწლიანი კონტრაქტი გავაფორმე. ვფიქრობ, არ შევმცდარვარ. სერიოზული გუნდია და არც ისე ურიგო მიზნები აქვს. გათავისუფლების ფურცელს ავიღებ და ხვალ ან ზეგ გუნდთან ერთად ვივარჯიშებ.
გუნდში ჩემი ჩარიცხვა ევროთასების კენჭისყრას დაემთხვა, რომელმაც "გაგრა" "ანორთოსისს" დაუწყვილა. ევროპის ლიგაზე თამაშიც დიდი სტიმულია.
ყოველდღიური სპორტული გაზეთი "ლელო"
