გია გეგუჩაძემ "სპორტალ.გე"-სთან სატელეფონო საუბარში დაადასტურა გავრცელებული ინფორმაცია "ზესტაფონის" მთავარი მწვრთნელის პოსტის დატოვების შესახებ.გეგუჩაძის თქმით, მისი გადადგომის მრავალი მიზეზი არსებობს, თუმცა მთავარი მაინც ჩემპიონთა ლიგის გათამაშებიდან გამოვარდნაა.
"ზესტაფონის" აწ უკვე ყოფილმა თავკაცმა უარყო ინფორმაცია, რომ სხვა კლუბებიდან ჰქონდა შეთავაზება.
შეგახსენებთ, რომ ჩემპიონთა ლიგის მე-3 საკვალიფიკაციო რაუნდში "ზესტაფონმა" ავსტრიულ "შტურმთან" საშინაო მატჩი 1:1 დაასრულა, ხოლო განმეორებით თამაშში 0:1 დამარცხდა.
"ბრიუგესთან" ევროპის ლიგის პლეი ოფის პირველი მატჩისთვის, რომელიც 18 აგვისტოს ბორის პაიჭაძის სახელობის ეროვნულ სტადიონზე გაიმართება, "ზესტაფონს" გია ჭიაბერაშვილი ავარჯიშებს.
