უცხოეთში აქვთ ასეთი ტრადიცია - მეტოქე გუნდების ხელმძღვანელები VIP (საპატიო) ლოჟაში გვერდიგვერდ სხედან, თან ისეთი გუნდების (მაგალითად, "რეალი" და "ბარსელონა"), ერთმანეთს დასანახად რომ ვერ იტანენ. ეს ერთგვარი ეტიკეტია, რომელსაც ევროპაში პატივს სცემენ...
კვირა საღამოს "ზესტაფონის" პრეზიდენტმა ილია კოკაიამ და კლუბის სხვა ხელმძღვანელებმა "დინამოსთან" მატჩის დაწყებამდე ეროვნული სტადიონის VIP ლოჟას მიაშურეს, მაგრამ... თავაზიანი უარი სტკიცეს - თქვენთვის აქ ადგილები არ არისო. სხვათა შორის, არიან ამ
"დიახ, მართლაც მოხდა ასეთი სამწუხარო ფაქტი. არადა, ეს ელემენტარული დაფასება და პატივისცემაა მეტოქე კლუბის მიმართ. ჩვენ ამ საკითხს ყოველთვის დიდ ყურადღებას ვაქცევთ და ზესტაფონის სტადიონის VIP ლოჟაში ყოველთვის არის გამოყოფილი 10-15 ადგილი სტუმართა კლუბის ხელმძღვანელობისთვის. ეს ადგილები დაჯავშნილია და სტუმრებს ყოველთვის ვეპატიჟებით. იმ ხალხს, ვინც ქართულ ფეხბურთზე ზრუნავს და ფულს ხარჯავს, დაფასება სჭირდებათ და იმედს გამოვთქვამთ, ამ ელემენტარული პატივისცემის ნორმას ყველა უერთგულებს და მსგავსი პრობლემა არცერთ კლუბს აღარ ექნება".
ფუტკარაძის კოლეგამ კი, "დინამოს" პრესატაშე გიგა გვენცაძემ მომხდარი ასე განმარტა: "წესის მიხედვით, მატჩამდე სტუმარმა გუნდმა VIP ლოჟაში განსათავსებელ პირთა სია უნდა წარმოადგინოს. მიუხედავად იმისა, რომ "ზესტაფონს" მსგავსი სია არ წარმოუდგენია, როგორც ჩემთვის არის ცნობილი, ისინი მაინც ისხდნენ ლოჟაში, სადაც მოწვეული სტუმრები იმყოფებიან და ბილეთები არ იყიდება. დაახლოებით ანალოგიური სიტუაციაა ზესტაფონის სტადიონზე, სადაც "დინამოს" დირექტორატის წევრებს ადგილს მიუჩენენ ხოლმე ლოჟაში. იქ ისინი სხვა სტუმრებსა და ჟურნალისტებთან ერთად სხედან".
ისე, ვერ ვიხსენებთ, "დინამოს" მიმართ მსგავსი პრეტენზია ადრე რომელიმე კლუბს გამოეთქვას. ბუნებრივად ისმის კითხვა - რატომ მოხდა ეს მაინცდამაინც "ზესტაფონთან" მიმართებაში? აქ უთუოდ უნდა გავიხსენოთ ის დაპირისპირება, რაც "დინამოდან" "ზესტაფონში" ფიზმომზადების ხორვატი მწვრთნელის ივო კატუშიჩის გადაბარგებას მოჰყვა. მას მერე თითქოს ბევრმა წყალმა ჩაიარა, მაგრამ... ეტყობა, წყენა დავიწყებას არ მისცემია...
