- ჯერ საშინელი უიღბლობა იწვნიეთ, "ოლიმპში" კი იღბალი გწყალობთ.
- ფეხბურთში უიღბლობაც ჩვეულებრივი მოვლენაა და იღბალიც. წლეულს ორივე ერთად ვიწვნიე. ქუთაისში საერთოდ ვერ ვიგებდით. ახალი გუნდის შექმნა რთულია, საამისოდ მოკლე ვადა მქონდა, ხალხი კი შედეგს ითხოვდა. გული იმაზე დამწყდა, რომ "ვისოლის"
"ოლიმპში" კი კარგად მომზადებული გუნდი ჩავიბარე და დღევანდელი წარმატებაც ამან განაპირობა. ან რა გასაკვირია, გუნდს ჩემამდე გამოცდილი მწვრთნელი ავარჯიშებდა. ჩემპიონი გუნდის გაძღოლა კი შედარებით იოლი იყო. მიხარია, რომ ყველაფერი ნორმალურად მიდის. საკმაოდ კარგად ვართ დაკომპლექტებულები და კარგი პირობებიც გაგვაჩნია. ვფიქრობ, გუნდი სამომავლოდ კიდევ უფრო უკეთესი იქნება.
- თქვენი მოსვლის შემდეგ "ოლიმპის" სათამაშო სქემაც შეიცვალა: მოდებაძე თავდასხმის ფლანგზეა, ბერიაშვილი კი ცენტრში - ადრე პირიქით იყო.
- გადაადგილებებს თამაშის ტაქტიკური მონახაზიდან გამომდინარე ვაკეთებთ. მთავარი ისაა, რომ ორივე ფეხბურთელი სასარგებლოა.
- "ზესტაფონისა" და "დინამოს" მოულოდნელი ჩავარდნით კარგად ისარგებლეთ და ჩემპიონობის შანსი გაგიჩნდათ.
- ჩვენთვის მნიშვნელოვანი იყო "ზესტაფონთან" მოგება, რომლის შემდეგაც პირველ ადგილზე გადავინაცვლეთ. წლეულს წინაზე უფრო დაძაბული ჩემპიონატია, რაც ქუთაისის "ტორპედოსა" და ფოთის "კოლხეთის" დამსახურებაა. მართალია, "კოლხეთს უჭირს, მაგრამ ამ გუნდთან მოგება გარანტირებული არავის აქვს. ლიდერთა ჯგუფშიც დაძაბული ბრძოლაა. ჩვენ გალიდერების შანსს ველოდით და გამოვიყენეთ კიდეც.
- კონკურენტ "ზესტაფონისგან" განსხვავებით, "ოლიმპს" მოკლე სათადარიგოთა სკამი აქვს. ალბათ, ზამთარში ფეხბურთელებს დაიმატებთ.
- ჯერ პირველი ეტაპია დასამთავრებელი და ამაზე ლაპარაკი ნაადრევია. თუმცა ეს საკითხი წამოიჭრება, რადგან ჩემპიონობისთვის მებრძოლ გუნდს სათადარიგოთა გრძელი სკამი სჭირდება. ვფიქრობ, ზამთარში რამდენიმე ფეხბურთელით გავძლიერდებით.
- გაძლიერება რომელ პოზიციაზე გჭირდებათ?
- ამაზე ლაპარაკი ჯერ არ მსურს.
- დაარსების დღიდან, ყოველ ნახევარ წელიწადში "ოლიმპის" შემადგენლობა იცვლება, რაც პრობლემას უპირველესად მწვრთნელს უქმნის. ხელმძღვანელობას შემადგენლობის შენარჩუნება თუ მოსთხოვეთ?
- ეს საკითხი არც ჩემზეა დამოკიდებული და, სხვათა შორის, გარანტიას ხელმძღვანელობაც ვერ მოგვცემს. ფეხბურთში მოვლენები ისე იცვლება, წინასწარ ლაპარაკი ძნელია. თუმცა შემადგენლობის შენარჩუნება და გაძლიერება უკეთესი იქნება.
- დღევანდელ ვითარებაში რეალურ საჩემპიონო კონკურენტად ვის მიიჩნევთ?
- "ოლიმპს", "დინამოსა" და "ზესტაფონს", რად უნდა ამას ლაპარაკი. ახლა ეს სამია გამოკვეთილი, მაგრამ ჯერ კიდევ ოცი ტურია სათამაშო და არაა გამორიცხული, ამ ბრძოლაში მეოთხე გუნდიც ჩაერიოს.
ყოველდღიური სპორტული გაზეთი
"ლელო"
