- სამწუხაროდ, წლეულს ასე ცუდად ამეწყო საქმე. "სიონიდან" წამოსვლის შემდეგ, ივნისში ქუთაისის
- "ტორპედოს" რატომ ვერ შეუთანხმდი?
- ფინანსურ საკითხებზე ვერ შევთანმდით. სხვა კლუბებთან კი ასეთი კონკრეტებული მოლაპარაკება არც მქონია. უფრო უცხოური ვარიანტისკენ ვიხრებოდი, იქნებ ცოტა არარეალურისკენაც და ამანაც განაპირობა, საბოლოოდ "ტორპედოშიც" რომ არ წავედი. არადა, ქუთაისში საქართველოსთვის საკმაოდ ნორმალური პირობები შემომთავაზეს.
ისე, რამდენიმე ქვეყანაში გადასვლას მთავაზობდნენ, მაგრამ სასურველი პირობები არ შემომთავაზეს და საქართველოდან წასვლა არ მიღირდა. არადა, მზად ვარ, ვითამაშო ნებისმიერ ქვეყანაში, სადაც უკეთესი პირობები და მომავლის პერსპექტივა იქნება. თამაში ყველგან შეიძლება.
- იმედისმომცემ ფეხბურთელად ითვლებოდი, ახალგაზრდულ ნაკრებში გიწვევდნენ, მაგრამ რატომღაც ყველაფერი აგერია. იქნებ საქმეს მონდომება დააკელი?
- ეს ჩემი მიზეზით არ მომხდრა, ანდრეი ჩერნიშოვმა თავის გამოჩენის შანსი არ მომცა. "დინამოს" ძირითადში თამაში ცხადაძის დროს დავიწყე, მაგრამ თანამეგობრობის თასის მერე კახა გუნდიდან წავიდა და ჩერნიშოვი დაინიშნა, რომელსაც ახალგაზრდები გულზე არ ეხატებოდა. თუმცა ახალგაზრდულ ნაკრებში მაინც მიძახებდნენ, 19 წლამდელთა ნაკრებიც ვითამაშე და კობა ჟორჟიკაშვილის ხელმძღვანელობით ელიტრაუნდში გავედით. ფეხბურთში იღბალი ბევრს ნიშნავს და, ეტყობა, ჯერ არ მწყალობს.
- ამბობენ, იღბალი ძლიერს უმართლებსო.
- რა გითხრათ, ნაკრებებში ხშირად მიწვევდნენ - 17, 19-წლამდელთა და ახალგაზრდულ ნაკრებებში. არ ვიცი, გახსოვთ თუ არა, კლაუს ტოპმიოლერმა ეროვნული ნაკრების გაფართოებულ სიაში შემიყვანა და მალტის ტურნირზეც წავყევი. ასე რომ, საწუწუნო არაფერი მაქვს. ვფიქრობ, რომ ჯერ ყველაფერი წინაა და გამართლება-არგამართლებაზე ლაპარაკი ნაადრევია. 22 წლის ვარ და კარიერაზე ხელი არ ჩამიქნევია. ადამიანს შრომა ადრე თუ გვიან დაუფასდება. თუ არ იზარმაცებ, წესით, ყველაფერი უნდა გამოგივიდეს. თუმცა ბევრი ნიჭიერი და შრომისმოყვარე ფეხბურთელი ვიცი, ვისაც არ გაუმართლა.
- ახლა თუ ვარჯიშობ?
- რა თქმა უნდა, ინდივიდუალურად სერიოზულად ვემზადები. ფორმის შენარჩუნებას სირბილით, ტრენაჟორებზე და ბურთით ვარჯიშით, მინი-ფეხბურთისა და გრეხეთბოლის თამაშით ვცდილობ. რაც შემიძლია, ყველაფერს ვაკეთებ.
- რომელიმე გუნდთან ვარჯიში არ გიცდია? ფორმის შენარჩუნება ინდივიდუალური მომზადებით კი არა, გუნდშიც ძნელია.
- სეზონის მსვლელობისას ძნელია, რომელიმე კლუბი ამაზე დაითანხმო. უხერხულიც არის, რადგან ყველა დაკომპლექტებულია და სიმართლე გითხრათ, არც მიცდია.
სხვათა შორის, ამბობენ, საქართველოში ფეხბურთელის გაზრდა შეუძლებელია. ბევრი პრობლემაა, რაც ყველას ძალიან გვაბრკოლებს და მაინც, მიუხედავად ამისა, ფეხბურთელად ჩამოყალიბება შეუძლებელი არაა.
ყოველდღიური სპორტული გაზეთი
"ლელო"
