მატჩი მასპინძელთა სრული უპირატესობით წარიმართა, პირველ ტაიმში მათ მეტოქეს ხიფათის შექმნის საშუალება არ მისცეს. ფეხბურთელებს ხელი ქარმაც შეუშალა და ტექნიკური წუნიც ბლომად იყო, თუმცა ფაზისელებმა რამდენიმე სახიფათო მომენტი მაინც შექმნეს. განსაკუთრებით გულუა-მეგრელიშვილის დუეტის აქტიურობა იყო თვალშისაცემი. ერთ-ერთ ეპიზოდში ამ უკანასკნელმა სოლო-რეიდით
მეორე ტაიმში გამოცოცხლება სტუმრებსაც დაეტყოთ. ფოთელთა ერთ-ერთი კონტრშეტევისას კუკავამ მეკარესთან პირისპირ ლომია გაიყვანა, თუმცა გადაცემა ოდნავ ძლიერი გამოუვიდა და "ბაიას" შემტევს ფოთელთა მეკარემ დაასწრო. ცოტა ხანში მასპინძლებს მეტოქის დამწუხრება ლევან გულუას შორეული დარტყმით შეეძლოთ, თუმცა ბურთს აკობია გადაეღობა და კუთხურზე მოიგერია. მელე ფაზისელებმა მაინც გაიტანეს. მათ მეტოქის ნახევარზე ჯარიმის დარტყმის უფლება მოიპოვეს და ბურთი ზარქუას კარის სიახლოვეს ჩაჰკიდეს. ყველას გოგონაიამ დაასწრო და ბურთი კარისკენ თავით გაგზავნა; ბურთი მეკარესაც შეეხო, ძელმაც აისხლიტა, დამატებაზე კი დავით მეგრელიშვილმა ივარგა და ცარიელ კარში თავით გაიტანა.
გოლი პირველმა "ბაიას" გოლკპიერმა ზარქუამ გააპროტესტა და მსაჯთან მიიჭრა. იგი არბიტრს გოგონაიას მიერ ხელით თამაშზე მიანიშნებდა, თუმცა ვადაჭკორიამ "ბაიას" კარის დარაჯი ყვითელი ბარათით დააშოშმინა. ცოტა ხანში ორივე გუნდის ფეხბურთელების დაშოშმინება მსაჯთან ერთად მწვრთნელებსაც მოუხდათ, თუმცა ყველაფერი რამდენიმე წუთში დალაგდა. დაძაბულობა კი მალიჩავასთან გულუას უხეშობამ გამოიწვია, რის გამოც არბიტრმა ფაზისელთა მე-17 ნომერი წითელი ბარათით დასაჯა და ფოთელები კაცნაკლული დატოვა. ამან ფეხბურთელებში გაწევ-გამოწევა გამოიწვია, "ბაიას" ერთი მოთამაშე მინდორზეც დაეცა. ამ არეულობის მერე მსაჯმა ყვითელი ბარათი გოგონაიასაც აუფრიალა. სიტუაციის ჩაწყნარებისთანავე ზუგდიდელებს ანგარიშის გათანაბრების შანსი მიეცათ, თუმცა მალიჩავას დარტყმული ბურთი გორდეზიანის კარს მცირედით აცსდა.
ელგუჯა ქომეთიანი (ბაია): ფოთელებს და ჩემს კოლეგას ვულოცავ გამარჯვებას. უკმაყოფილო ვარ ჩემი გუნდის უხარისხო თამაშით. მართალია, ყველანაირად გვიჭირს, მაგრამ თამაშის დროს ყველაფერი ფინანსებს არ უნდა დაბრალდეს. მინდორზე ფეხბურთელმა ბოლომდე უნდა იბრძოლოს, დღეს კი სამწუხაროდ ასე არ იყო. სახიფათო ზონაში ვართ და თუ ასე გაგრძელდა, ჩემპიონატში ჩვენს ბრძოლას აზრი არა აქვს".
ბესიკ შეროზია (კოლხეთი): მნიშვნელოვანი სამი ქულა მოვიპოვეთ, ჩვენმა ბიჭებმა დამსახურებულად მოიგეს. ახალბედებთან ერთად ამ გამარჯვებაში დიდი წვლილი ჩვენი დუბლების მწრთნელსაც მიუძღვის. მათ ამ გაჭირვების დროს გამოავლინეს ის შემართება, რამაც საჭირო ქულები მოგვიტანა. ეს კი გუნდის შენების პროცესის გაგრძელების საშუალებას იძლევა, თუ, რა თქმა უნდა, ფინანსური სიტუაცია გამოგვისწორდება.
05.12.10 ფოთი. "ფაზისი"
1000 მაყურებელი
კოლხეთი-ბაია 1:0
გოლი: მეგრელიშვილი (73)
კოლხეთი ბაია
4-1-4-1 4-1-4-1
გორდეზიანი ზარქუა
ბარამიძე აფაქიძე
ცხვიტარია თ. აკობია
ბუკია ლ. აკობია
ლემონჯავა კანდელაკი
მოისწრაფიშვილი რიგვავა
გოგონაია ვართაგავა
მეგრელიშვილი გუგუჩია
გულუა წურწუმია
წიქარიშვილი მალიჩავა
გვალია ჩანგელია
კოლხეთი
47. გვალია – ქორჩილავა
85. წიქარიშვილი – გეგელია
90. ლემონჯავა – გაბუნია
სათადარიგოები: ჩიქობავა, ყურუა, კუკულაძე, პერტენავა
ბაია
46. ჩანგელია – კუკავა
62. გუგუჩია – შ. ლომია
70. წურწუმია – ეხვაია
სათადარიგოები: ჯომიდავა, სამუშია, ქვარცხავა, სიხარულია
გაფრთხილება: გულუა (18), მალიჩავა (64), ზარქუა (75), გოგონაია (80)
გაძევება: გულუა (79)
არბიტრი: გიორგი ვადაჭკორია
ლაშა გოგილავა
ფოთიდან
