ქეის გუნდთან დაახლოება იმით დაიწყო, რომ ვიცე-პრეზიდენტმა ზურაბ ჯაფარიძემ ”ოლიმპი" დატოვა. მას ქეისთან თანამშრომლობა აღარ სურდა. ოთხი წლის განმავლობაში კლუბს სწორედ ჯაფარიძე მართავდა, ყველა საორგანიზაციო საკითხს აგვარებდა და, მოგვწონდა თუ არა მისი მართვის სტილი, ”ოლიმპი" სამეულის ქვემოთ არ დაშვებულა. ჯაფარიძის თქმით,
ცოტა უცნაურად კი გვეჩვენა ინფორმაცია, თითქოს ამ სწავლის პროცესში კლუბიდან რუსთაველთა ლიდერის, ეროვნული პირველობის ერთ-ერთი ბომბარდირის ირაკლი მოდებაძის გაშვება განიზრახეს. თემურ ქეცბაიამ ფეხბურთი კარგად იცის და მოდებაძე ეროვნულ ნაკრებში ამიტომაც მიიწვია. ეროვნულ ჩემპიონატში კვალიფიციური თავდამსხმელების აშკარა დეფიციტია და ”ოლიმპის" ნებისმიერი კონკურენტი მოდებაძეს სიამოვნებით აიყვანს, რუსთაველებს კი მისი წასვლა აშკარად დაეტყობათ. ფეხბურთის მცოდნე მეპატრონის ხელში კლუბში ასეთი რამ არ მოხდება და იმედია, ეს ჭორი ჭორადვე დარჩება.
სიახლეა ”ოლიმპის" სამწვრთნელო შტაბშიც - მთავარი მწვრთნელის ასისტენტად თბილისის ”დინამოს" ყოფილი ნახევარმცველი თორნიკე მაისურაძე დაინიშნა, ბავშვთა ფეხბურთის ცნობილი სპეციალისტ ზურაბ მაისურაძის ვაჟი.
ჯაფარიძის წასვლის შემდეგ ”ოლიმპში" მორიგ საკადრო ცვლილებაზე ალაპარაკდნენ: გუშინ, საღამოს ცხრა საათზე ქეი გუნდის დირექტორ ბადრი ქარქაშაძეს შეხვდა (შეგახსენებთ, რომ იგი გუნდში ჯაფარიძესთან ერთად მივიდა) და ამის მერე გავრცელდა ინფორმაცია, თითქოს ამ შეხვედრის შემდეგ დირექტორი პოსტიდან გაათავისუფლეს. თუმცა ეს ინფრომაცია არ დაგვიდასტურეს.
გუშინ კლუბის ერთ-ერთმა ფეხბურთელმა ისიც გვითხრა, რომ მთავარი მწვრთნელი რამაზ მუმლაძეც გაათავისუფლეს და ხვალ ვარჯიშს აღარ ჩაატრებსო. ინფორმაცია გვიან შევიტყვეთ, გადავამოწმეთ და დაგვიდასტურეს.
უცნაური და აუხსნელია, რატომ გაათავისუფლეს მწვრთნელი, რომელსაც ჩემპიონატში ერთი შეხვედრაც კი არ წაუგია – ამის ახსნას უფოლოგებიც ვერ შეძლებენ.
ვერ გეტყვით, ამ ყველაფრის შემდეგ რუსთავის ”ოლიმპი" მოახერხებს თუ არა დიაგონალური გადაცემებით თამაშს, რასაც მისგან ითხოვენ, მაგრამ ფაქტია, რომ მეპატრონის გუნდთან დაახლოება რევოლუციის ტოლფასი გამოდგა.
