თბილისის "დინამოში" ჩაირიცხნენ:
ლიბორ ჰრდლიჩკა - 29 წლის სლოვაკი მეკარის ბოლო კლუბი უკრაინული ზაპოროჟიეს "მეტალურგი" იყო. იგი ბრატისლავის "ინტერის" აღზრდილია. თამაშობდა "რუჟომბეროკში", ასევე, ჩეხურ "ბრნოში". ჰრდლიჩკა 12-ნომრიანი მაისურით იასპარეზებს.
რენე ფერეირა - 22 წლის ბრაზილიელი მცველი, რომელიც საფეხბურთო კლუბ "ზესტაფონში" გამოდიოდა. რენე "დინამოში" 25 ნომრით ითამაშებს.
სტეფან ბუკორაცი - 24 წლის სერბი ნახევარმცველი სამშობლოში "დონი სრემის" ღირსებას იცავდა. სერბის სათამაშო ნომერი იქნება 20.
მანუელ ონვუ - 27 წლის ესპანელი ფორვარდი წლების მანძილზე პამპლონას "ოსასუნას" ღირსებას იცავდა. იგი გუნდთან ერთად ესპანეთის ელიტარულ პრიმერა დივიზიონში გამოდიოდა, მიმდინარე სეზონში კი სეგუნდაში ასპარეზობდა. მანუელმა 9-ნომრიანი ფორმა მოირგო.
ვაჟა ტაბატაძე - 24 წლის მცველი ქუთაისის "ტორპედოდან", რომელიც 5 ნომრით ითამაშებს.
ვახტანგ ჭანტურიშვილი - 21 წლის ნახევარმცველი საფეხბურთო კლუბ "ზესტაფონიდან" გადმოვიდა. ჭანტურიშვილი 77-ნომრიანი ფორმით ითამაშებს.
ბექა მიქელთაძე - 17 წლის თავდამსხმელი, საფეხბურთო კლუბ "ზესტაფონიდან". საქართველოს 17-წლამდელთა ნაკრების წევრი. მიქელთაძე 97-ნომრიან ფორმას მოირგებს.
ოთარ კიტეიშვილი - 18 წლის ნახევარმცველი, რომელიც რუსთავის "მეტალურგში" ასპარეზობდა. არის საქართველოს 19-წლამდელთა ნაკრების წევრი (მცირე ტრავმის გამო არ იმყოფებოდა ვარჯიშზე). კიტეიშვილი 13 ნომრით ითამაშებს.
ამასთან, "დინამოს" დაუბრუნდა 22 წლის ნახევარმცველი ჯაბა ჯიღაური, რომელიც იჯარით საჩხერის "ჩიხურაში" თამაშობდა. ჯიღაური 31-ნომრიან ფორმას მოირგებს.
* * *
"დინამო" მიმდინარე სეზონის მეორე ეტაპისთვის მზადებას 10 იანვრიდან შეუდგა. ორი კვირის მანძილზე გუნდი დიღმის საწვრთნელ ბაზაზე ემზადებოდა, 26 იანვრიდან 10 თებერვლამდე საწვრთნელი შეკრება თურქეთში გაიარა, სადაც 6 ტესტ-მატჩი ჩაატარა.28 იანვარი - შტურმი (გრაცი, ავსტრია) 1:1
30 იანვარი - ვორსკლა (პოლტავა, უკრაინა) 0:1
3 თებერვალი - სპარტა (პრაღა, ჩეხეთი) 1:3
4 თებერვალი - ნასაფი (კარში, უზბეკეთი) 1:0
6 თებერვალი - კორონა (კელცე, პოლონეთი) 2:0
9 თებერვალი - ილიჩევეცი (მარიუპოლი, უკრაინა) 0:0
მომზადებულია www.fcdinamo.ge-ის მიხედვით
![ეროვნული ლიგა. IX ტური. "გაგრა" - "დინამო" (თბ) [LIVE]](/pictures/image7/59c49b76a32c416bb8a913c48214c59e.png "ეროვნული ლიგა. IX ტური. \"გაგრა\" - \"დინამო\" (თბ) [LIVE]")
![კიტეიშვილის გოლი და საგოლე გადაცემა - "შტურმი" "ზალცბურგს" დაეწია [VIDEO]](/pictures/image7/a80dc89951cdd4074a61c1ac61cffa3d.jpg "კიტეიშვილის გოლი და საგოლე გადაცემა - \"შტურმი\" \"ზალცბურგს\" დაეწია [VIDEO]")
![ეროვნული ლიგა. VIII ტური. "დინამო" (თბ) - "კოლხეთი" [LIVE]](/pictures/image7/561d5ff7131c5b2c63dbc262099c8520.jpg "ეროვნული ლიგა. VIII ტური. \"დინამო\" (თბ) - \"კოლხეთი\" [LIVE]")
