"მე ზუგდიდში ვარ, ფოთში კი ზაზა ინიაშვილი იმ ფეხბურთელებს ავარჯიშებს, რომლებმაც ჩემპიონატის პირველი ეტაპი ჩაამთავრეს. ეს, ფაქტობრივად, დუბლშემადგენლობაა, თუმცა ნოემბერ-დეკემბერში სწორედ ამ კონტინგენტით ასპარეზობდა ჩვენი გუნდი.
ის კაცი არ ვარ, შუა გზაში მივატოვო გუნდი და ამიტომაც კლუბი არ დამიტოვებია. წასვლა ყველაზე იოლია, მაგრამ ეს არ არის გამოსავალი. მინდა, კლუბის პრეზიდენტ თემურ ბარქაიას ვესაუბრო და გავარკვიო
ცხადია თემურ ბარქაიასთან შეხმიანება გადავწყვიტეთ, მაგრამ მასთან დაკავშირება ვერაფრით შევძელით. გავიგეთ მხოლოდ ის, რომ ფოთელებმა პირველ საკონტროლო შეხვედრაში "სამტრედია" 3:1 დაამარცხეს. ეს შეროზიას თანაშემწე დავით მახარაძემ გვაცნობა.
"სამტრედია" ვალტერ გუჩუას გოლით დაწინაურდა, ლემონჯავამ კი ანგარიში გაათანაბრა.
მეორე ტაიმში "კოლხებმა" იძალეს და ჯერ მოისწრაფიშვილმა შემდეგ კი პერტენავამ თითო გაიტანეს და საბოლოო ანგარიში 3:1 დააფიქსირეს.
გავიგეთ ისიც, რომ "კოლხეთის" ორი შემტევი ფეხბურთელი დათა სიჭინავა და დავით ციცხვაია თასის ნახევარფინალისტ "გაგრაში" ვარჯიშობს. გაგრელებს მათი დამატება უნდათ და მათ განზრახვას წინ ვერაფერი დაუდგება.
.
