გუშინ ქუთაისის "ტორპედომ" ანთალიაში მეოთხე საკონტროლო მატჩი ვარაზდინის "ვარტექსთან" ჩაატარა, რომელიც ხორვატიის ჩემპიონატში მერვე ადგილზეა. ეს "ტორპედოს" ბოლოსწინა სპარინგმატჩი იყო ამ შეკრებაზე. ქუთაისელებმა ვერც წინა სამი მოიგეს, სამივე ფრედ დაასრულეს, ამჯერად კი დამარცხდნენ - "ვარტექსმა" 1:0 გაიმარჯვა.
"ტორპედო": მიგინეიშვილი, ფოფხაძე, მაჭავარიანი, თოდუა, ჩიკვილაძე, თარხნიშვილი, ქებაძე, ბაკურაძე, დათუნაიშვილი, დოლიძე, კვარაცხელია.
"ტორპედო" ბოლო ამხანაგურ მატჩს 2 თებერვალს უზბეკეთის ჩემპიონატის მეოთხეადგილოსან გუზარის "შორტანთან" გამართავს, სადაც ორი წლის წინ ქუთაისელთა ფორვარდი გია მეგრელაძე თამაშობდა. ამჟამად უზბეკების კარს ახალგაზრდული ნაკრებისა და რუსთავის "ოლიმპის" ყოფილი მეკარე
სხვათა შორის, ალავიძე "ტორპედოს" მარცხენა მცველის, თენგიზ ჩიკვილაძის უახლოესი ნათესავია. ასე რომ, ანთალიაში ერთმანეთს ნათესავებიც დაუპირისპირდებიან.
"შორტანი" ანთალიურ შეკრებამდე მოსკოვის "სპარტაკისა" და უზბეკეთის ნაკრების ყოფილ ფორვარდ ჯაფარ ირისმეტოვით გაძლიერდა.
გია გიგატაძე და კომპანია ქუთაისში 3 თებერვალს დაბრუნდებიან.
.
