მატჩი ქუთაისელთა საღორიის ბაზაზე გაიმართა. მასპინძლებმა ანგარიში 26-ე წუთზე გახსნეს: ნიკა საბანაძემ სტუმართა მეკარე კუჭუხიძეს მაღალ კუთხეში დაურტყა - 1:0.
28-ე წუთზე "ტორპედოს" თავდამსხმელმა ლაშა კემუხტაშვილმა "ჩხერიმელას" კარში მეორედ გაიტანა - 2:0.
33-ე წუთზე საბანაძე მცველს გაექცა და მარჯვენა დაბალ კუთხეში დარტყმით დუბლი შეასრულა - 3:0. საბანაძეს მეორე ნახევარშიც შეეძლო გატანა, მაგრამ ხარაგაულელთა მეკარემ მისი თავური მშვენიერი ნახტომით მოიგერია.
"ტორპედო": ქვილითაია, ჭაავა (46. ფოფხაძე), ფარულავა, გურული, გუგუჩია (46.
"ტორპედომ" მოსამზადებელ ეტაპზე კიდევ ექვსი საკონტროლო შეხვდრა გამართა. თურქეთში ვერც ერთი მოიგო. რუმინულ "უნივერსიტატეასთან" (2:2) და "გაზ მეთანთან" (1:1), აგრეთვე რუსულ "სკა-ენერგიასთანაც" ფრეს დასჯერდა - 1:1, ხორვატიულ "ვარტექსთან" (0:1) და ყაზახურ "ორდაბასისთან" (1:2) კი წააგო. გუნდმა მხოლოდ ქუთაისში მარტვილის "მერანთან" (2:1) და გუშინ "ჩხერიმელასთან" მოიგო.
ეროვნულ ჩემპიონატს "ტორპედო" 14 თებერვალს "ზესტაფონთან" გასვლითი შეხვედრით განაახლებს.
