ნელ-ნელა მასპინძლებიც გააქტიურდნენ და რამდენიმეწუთიან მონაკვეთში ზედიზედ სამი კუთხურის შესრულებაც მოასწრეს, მაგრამ შედეგის მომტანი ვერც ერთი აღმოჩნდა.
გაშვებული გოლის შემდეგ სტუმრები თითქოს გამოფხიზლდნენ და ისიანი ისევ ყურადღების ცენტრში მოექცა, როცა "ბაიას" ოთხ მცველს ოსტატურად აუარა გვერდი და ჯიქიას მეკარესთან პირისპირ გაყვანა შეეძლო, თუმცა ბოლნისელი სოლორეიდის დაგვირგვინებას თვითონვე შეეცადა, რითაც საგოლე მომენტი გააცუდა. ანგარიშის გათანაბრების შანსი სტუმრებს რამდენიმე წუთში მიეცათ, თუმცა ნოზაძის სახიფათო დარტყმას სომხიშვილი მარჯვედ დაუხვდა და კარი აშკარა გოლისგან იხსნა.
მეორე ნახევრის დასაწყისშიც ინიციატივას ისევ სტუმრები დაეუფლნენ და მეტოქის ნახევარზე შეტევებსაც უხშირეს, თუმცა მწვავე იერიშებით მხოლოდ დასაწყისში გამოირჩნენ. თუ არ ჩავთვლით ბოლო წუთებში მათ მიერ შესრულებულ ორ სახიფათო საჯარიმო დარტყმას, სხვა დასამახსოვრებელი არაფერი შეუქმნიათ. სათამაშო ტემპიც დაMმოედნის ცენტრიც სტუმრებმა თანდათან ისევ მასპინძლებს გადააბარეს. გატანის შანსი ჰქონდა სიხარულია-რიგვავას დუეტს, შემდეგ ქობალია-რიგვავა-სიხარულიას სამსვლიანი იერიში სიხარულიას შეეძლო გოლით დაესრულებინა, მაგრამ...
ელგუჯა ქომეთიანი (ბაია) : დავიწყებ იმით, რომ ქობალიას ფიზიკური აღნაგობა, მოქმედება, სისწრაფე და აზროვნება მაძლევს სრულ საფუძველს ვთქვა - ის სეზონის აღმოჩენა იქნება. რაც შეეხება თამაშს, მინდვრის უხარისხობის გამო თავიდანვე ფლანგური შეტევები დავისახეთ მიზნად, რადგან ბურთის გაგორება მოედნის ამ მონაკვეთებზე უფრო შესაძლებელი იყო და შედეგსაც მივაღწიეთ. Kკმაყოფილი ვარ ჩემი ფეხბურთელების, დავალება კარგად შეასრულეს.
გიორგი ყიფშიძე (სიონი) : ჩემი გუნდის თამაშით კმაყოფილი არ ვარ, მაგრამ ვერც დავემდურები, რადგან ამ ტალახში მათ მაქსიმუმის გაკეთებას ვერ მოვთხოვ. მართალია, უფრო გამოცდილი ფეხბურთელები გვყავს და თითქოს შეიძლებოდა, მათ ხარჯზე გადაგვეწყო თამაში, მაგრამ, ვიმეორებ, ასეთ მინდორზე თამაშის შემობრუნება შეუძლებელია. ამგვარ ამინდში გადამწყვეტი ერთი გოლია და ასეც მოხდა.
13.02.11 ზუგდიდი, ცენტრალური სტადიონი. 300 მაყურებელი
ბაია-სიონი 1:0
ქობალია (30წ.)
ბაია სიონი
4-1-4-1 4-2-3-1
სომხიშვილი მერლანი
სვირავა კობაური
აქუბარდია ორბელაძე
რ. ონიანი თარგამაძე
გამრეკლიძე ქორიძე
ვართაგავა დიდავა
რიგვავა გოგობერიშვილი
შ. ლომია ისიანი
წურწუმია ნოზაძე
სიხარულია ჩირიკაშვილი
ქობალია რ. ჯიქია
მწვრთნელი მწვრთნელი
ე. ქომეთიანი გ. ყიფშიძე
ბაია
75. ლომია – შონია
85. ქობალია – ჩანგელია
90. სვირავა - აფაქიძე
სათადარიგოები: მაქაცარია, კუკავა, ქვარცხავა, ქირია
სიონი
59. ნოზაძე – ვაშაკიძე
73. თარგამაძე – ოქროპირიძე მანუჩარი
83. ჯიქია – კვასხვაძე
სათადარიგოები: ბობღიაშვილი, ოქროპირიძე გიორგი, სანიკიძე, ადამაშვილი
გაფრთხილება: შონია (86), ისიანი (90)
არბიტრი: ხ. გაგნიძე
ლაშა გოგილავა ზუგდიდიდან
