დღეს საქართველოს ფეხბურთელთა ეროვნული გუნდი, 11 ოქტომბერს საბერძნეთის ნაკრებთან ევროპის 2012 წლის ჩემპიონატის შესარჩევი ეტაპის ბოლო შეხვედრისთვის მოსამზადებლად, ტექნიკურ ცენტრ "ბასაზე" შეკრებას იწყებს. უკვე გამოძახებულ ფეხბურთელებს ნაკრების თავკაცმა თემურ ქეცბაიამ ერთიც დაამატა - "ზესტაფონის" თავდამსხმელი ნიკოლოზ გელაშვილი.
"მიხეილ მესხზე" მომხდარი გუშინდელი ელექტრო ინციდენტის შემდეგ ისიც უნდა ვისურვოთ, რომ ევრორანგის ეს მატჩი ამ სტადიონზე ბნელ დროში არ დაგვაბრუნებს და სალაპარაკოს არ გახდის ჩვენს არენებზე ნაკრების შეხვედრების მასპინძლობის ხარისხს.
ყოველდღიური სპორტული გაზეთი "ლელო"
