გმადლობთ, კაპიტანო!

დოსიე
კახა კალაძე
დაიბადა 1978 წლის 27 თებერვალს სამტრედიაში.
საკლუბო კარიერა: 1993-94. "სამტრედია". 3 მატჩი, "დინამო" (თბ) 1 მატჩი; 1994-97 - "დინამო" (თბილისი) 71 (1 გოლი); 1998-2000 - "დინამო" (კიევი, უკრაინა) 63 (6 გოლი), 2001-2010 - "მილანი" (იტალია) 194 (12 გოლი); 2010 წლის აგვისტოდან დღემდე - "ჯენოა" (იტალია) 37 (1 გოლი)
სანაკრებო კარიერა: 1993-95 - საქართველოს 16, 17 და 19 წლამდელთა ნაკრებები; 1995-96 - საქართველოს 21-წლამდელთა ნაკრები; 1996-2011 - საქართველოს ეროვნული ნაკრები 83 მატჩი (1 გოლი).
ტიტულები: საქართველოს ოთხგზის ჩემპიონი, ორგზის თასის მფლობელი, სუპერთასის გამარჯვებული; უკრაინის სამგზის ჩემპიონი, სამგზის თასის მფლობელი; იტალიის ჩემპიონი, თასისა და სუპერთასის მფლობელი; ევროპის სუპერთასის ორგზის გამარჯვებული; კლუბებს შორის მსოფლიო ჩემპიონატის გამარჯვებული; ჩემპიონთა ლიგის ორგზის გამარჯვებული. საქართველოს საუკეთესო ფეხბურთელი: 2001, 2002, 2003, 2006 (ჟურნალისტების გამოკითხვით) და 2008 (პროფესიული ფეხბურთის ლიგის გამოკითხვით) წლებში.
2007 წელს გახდა ჟურნალისტთა საერთაშორისო ფონდის "ოქროს ფრთის" ლაურეატი; 2009 წელს გახდა საგამომცემლო სახლ "სახე(ლ)ების" ლაურეატი.

* * *
საკლუბო დონეზე ყველაზე ტიტულიანი ქართველი ფეხბურთელი კახა კალაძე საქართველოს ეროვნული ნაკრებიდან წავიდა! სხვისი რა მოგახსენოთ და, ჩვენი აზრით, ბოლო ერთი თვის განმავლობაში ქართულ სპორტში ამაზე "ხმაურიანი" მოვლენა არაფერი მომხდარა! ბოლოს და ბოლოს, ქართულ ფეხბურთში ხომ კონკრეტული მოთამაშის ეპოქა დამთავრდა.

ჰო, ეპოქა - 15 წელიწადი რომ გრძელდებოდა: 1996 წლის 27 მარტიდან (კახა კალაძემ საქართველოს ნაკრებში პირველი მატჩი რომ ჩაატარა) 2011 წლის 11 ოქტომბრამდე...

ხშირად და ბევრს უთქვამს: ფეხბურთი ალოგიკური თამაშიაო; ყოველივე ამას კი საკლუბო თუ სანაკრებო დონეზე მომხდარი არაერთი მოულოდნელობით ხსნიან; არის მეორე ვარიანტიც: ფეხბურთში საერთო დონის გათანაბრების პროცესი (ერთადერთი გამონაკლისი - "ბარსელონას" ტრიუმფული და "არაამქვეყნიური" ასპარეზობა) მიმდინარეობს და ყველაფერს შემთხვევითობას ნუ დააბრალებთო, - ასეთ მოსაზრებასაც ხშირად მოისმენთ.

თუმცა, მოდი, გულახდილად ვთქვათ: როცა ერთი და იგივე ფეხბურთელი სამი ქვეყნის ჩემპიონი გახდება, სამი ქვეყნის თასის გათამაშებაში გაიმარჯვებს, ევროპის სუპერთასსა და კლუბებს შორის მსოფლიოს ჩემპიონატს მოიგებს, შეიძლება ამას შემთხვევითობა ვუწოდოთ? ან, იქნებ, ის ფაქტია "შემთხვევითობა", ამ ფეხბურთელს მსოფლიოს ნაკრებში რომ მიიწვევენ, ან კიდევ, თავის ქვეყანაში ხუთჯერ რომ დაასახელებენ საუკეთესოდ?!. აღარაფერს ვამბობთ, მართლაც, განსაკუთრებულ და გამორჩეულ მიღწევაზეც: ჩვენი თანამემამულე ორჯერ გახდა ჩემპიონთა ლიგის გამარჯვებული!

არ გვინდა, ვინმემ ნამეტანი პესიმისტობა დაგვაბრალოს, მაგრამ გულახდილად ვთქვათ: გჯერათ, რომ მსგავს მიღწევას რომელიმე ჩვენებური გაიმეორებს? ჩემპიონთა ლიგის ორჯერ და ერთხელ მოგებას ვინ ჩივის, ჯერ ის ვინატროთ, რომელიმე ქართველი ფეხბურთელი ისეთ კლუბში აღმოჩნდეს, ამ პრესტიჟული ტურნირის მუდმივი მონაწილე რომ იქნება. 

თუმცა, ქართველებს ხომ ბევრი "უცნაურობაც" გვახასიათებს: ვინმე უცხოტომელს გავაფეტიშებთ, იდეალად წარმოვიდგენთ და ამავე დროს კი, ჩვენიანის მართლაც საარაკო და ზღაპრულ მიღწევებს ისე ვუყურებთ, ვითომდა, ჩვეულებრივი ამბავიაო;  ვითომ ის იყო ჩვეულებრივი ამბავი, ქართველმა ფეხბურთელმა ჩემპიონთა ლიგა ორჯერ რომ მოიგო (ერთადერთი შემთხვევა პოსტსაბჭოთა სივრცეში), ან 15-წლიანი სანაკრებო კარიერა და მშობლიური ქვეყნის ნაკრების მაისურით ჩატარებული 83 შეხვედრა (აქედან 50 - კაპიტნის რანგში და ესეც სარეკორდო მიღწევაა); 

რა თქმა უნდა ზემოთნახსენები მიღწევები "ჩვეულებრივი" კი არა, განსაკუთრებულზე-განსაკუთრებული მნიშვნელობისაა, მაგრამ "ქართული სინამდვილეც" არ დაგვავიწყდეს: ზუსტ მიზეზს ნამდვილად ვერ გეტყვით, მაგრამ ის ხომ ფაქტია, რომ ამ ბოლო დროს ბევრი ჩვენებური "გულმავიწყიც" გამხდარა და, უკაცრავად და დაუნახავიც!  იმის მაგივრად, 15-წლიანი სანაკრებო კარიერისათვის კაცისათვის მადლობა გადაეხადათ, "მარცხნიდან და მარჯვნიდან" კრიტიკა და ქილიკი მოაყოლეს; 

თითქოს, საქართველოს ნაკრების ისტორიაში არაერთი ფეხბურთელი გვყოლოდეს, 80-ზე მეტი მატჩი რომ ექნებოდა ჩატარებული და აქედან 50 კაპიტნის რანგში! თითქოს, მსოფლიო ფეხბურთის გრანდ "მილანში" პაოლო მალდინის, ალესანდრო ნესტას, ანდრეა პირლოს, ანდრეი შევჩენკოს, კლარენს ზეედორფის, ფილიპო ინძაგის, ჯენარო გატუზოსა და კაფუს გვერდით... 10 წლის განმავლობაში ჩვენიანს არ ეთამაშოს; თითქოს, არც ის ფაქტი ყოფილა, როცა უახლოესი ადამიანის დაკარგვით გამოწვეული პიროვნული ტრაგედიის მიუხედავად, მოედანზე გამოვიდა და საქართველოს ნაკრების შემადგენლობაში ითამაშა...

საბედნიეროდ, საქართველოში მაინც აღმოჩნდა გარკვეული კატეგორია, ჩვენი ყველაზე ტიტულიანი ფეხბურთელისათვის მადლობა რომ არ დაივიწყა! უპირველესად, აწ უკვე ყოფილ თანაგუნდელებს ვგულისხმობთ, წლების განმავლობაში ნაკრების კაპიტანის გვერდით რომ თამაშობდნენ; თუნდაც ლევან კობიაშვილი ვახსენოთ, "მსოფლიო სპორტთან" ინტერვიუში ჩვეული გულახდილობით რომ ისაუბრა საქართველოს ყველა დროის ერთ-ერთ საუკეთესო ფეხბურთელზე. ჩვენც ამათ რიცხვს მივეკუთვნებით და გვინდა, რომ საკლუბო დონეზე ყველაზე ტიტულიან ქართველ ფეხბურთელს კახა კალაძეს საქართველოს ნაკრებში გატარებულ 15-წლიანი (!) კარიერისთვის მადლობა გადავუხადოთ!

P.S. ფეხბურთელი-კალაძის კარიერა კიდევ გრძელდება (ამჯერად, მხოლოდ საკლუბო დონეზე), თანაც სადმე მეორეხარისხოვან ჩემპიონატში კი არა, ისევ იტალიაში; ამიტომაც არის, რომ მის საფეხბურთო კარიერაზე დაწვრილებით არ ვისაუბრებთ, სამაგიეროდ, კალაძე-ფეხბურთელზე ისეთი პიროვნებების შეფასებებს შემოგთავაზებთ, ქართული (და არა მარტო) საფეხბურთო სამყარო კარგად რომ იცნობს...

კახა კალაძის ყველა სანაკრებო მატჩი
1. ამხანაგური მატჩი
27.03. 1996
კვიპროსი - საქართველო 4:1

2. მსოფლიო ჩემპიონატის შესარჩევი მატჩი
14. 06. 1997
პოლონეთი-საქართველო 4:1

3. ამხანაგური მატჩი
05. 12. 1997
ლიბანი-საქართველო 4:2

4. ამხანაგური მატჩი
08. 12. 1997
ლიბანი-საქართველო 3:2

5. მსოფლიო ჩემპიონატის შესარჩევი მატჩი
10. 09. 1997
საქართველო-იტალია 0:0

6. მსოფლიო ჩემპიონატის შესარჩევი მატჩი
24. 09. 1997
მოლდოვა-საქართველო 0:1

7. საერთაშორისო ტურნირი
06. 02. 1998
საქართველო-ლატვია 2:1

8. საერთაშორისო ტურნირი
08. 02. 1998
საქართველო-ალბანეთი 3:0

9. საერთაშორისო ტურნირი
10. 02. 1998
საქართველო-მალტა 3:1

10. ამხანაგური მატჩი
02. 05. 1998
ტუნისი-საქართველო 1:1

11. ამხანაგური მატჩი
19. 08. 1998
უკრაინა-საქართველო 4:0

12. ევროპის ჩემპიონატის შესარჩევი მატჩი
05. 09. 1998
საქართველო-ალბანეთი 1:0

13. ევროპის ჩემპიონატის შესარჩევი მატჩი
10. 10. 1998
ლატვია-საქართველო 1:0

14. ევროპის ჩემპიონატის შესარჩევი მატჩი
14. 10. 1998
საბერძნეთი-საქართველო 3:0

15. ამხანაგური მატჩი.
20. 03. 1999
საქართველო-უკრაინა 0:1

16. ევროპის ჩემპიონატის შესარჩევი მატჩი.
27. 03. 1999
საქართველო-სლოვენია 1:1

17. ევროპის ჩემპიონატის შესარჩევი მატჩი.
28. 04. 1999.
საქართველო-ნორვეგია 1:4

18. ევროპის ჩემპიონატის შესარჩევი მატჩი
30. 05. 1999
ნორვეგია-საქართველო 1:0

19. ევროპის ჩემპიონატის შესარჩევი მატჩი
04. 09. 1999
სლოვენია-საქართველო 2:1

20. ევროპის ჩემპიონატის შესარჩევი მატჩი
08. 09. 1999
საქართველო-ლატვია 2:2

21. ევროპის ჩემპიონატის შესარჩევი მატჩი
09. 10. 1999
ალბანეთი-საქართველო 2:1

22. ამხანაგური მატჩი
29. 03. 2000
ისრაელი-საქართველო 1:1

23. მსოფლიო ჩემპიონატის შესარჩევი მატჩი
07. 10. 2000
ლიტვა-საქართველო 0:4

24. მსოფლიო ჩემპიონატის შესარჩევი მატჩი
11. 10. 2000
იტალია-საქართველო 2:0

25. ამხანაგური მატჩი
14. 02. 2001
საქართველო-უკრაინა 0:0

26. მსოფლიო ჩემპიონატის შესარჩევი მატჩი
28. 03. 2001
საქართველო-რუმინეთი 0:2

27. მსოფლიო ჩემპიონატის შესარჩევი მატჩი
02. 06. 2001
საქართველო-იტალია 1:2

28. მსოფლიო ჩემპიონატის შესარჩევი მატჩი
06. 06. 2001
უნგრეთი-საქართველო 4:1

29. მსოფლიო ჩემპიონატის შესარჩევი მატჩი
01. 09. 2001
საქართველო-უნგრეთი 3:1

30. მსოფლიო ჩემპიონატის შესარჩევი მატჩი
05. 09. 2001
საქართველო-ლიტვა 2:0

31. მსოფლიო ჩემპიონატის შესარჩევი მატჩი
06. 10. 2001
რუმინეთი-საქართველო 1:1

32. ამხანაგური მატჩი
21. 08. 2002
თურქეთი-საქართველო 3:0

33. ევროპის ჩემპიონატის შესარჩევი მატჩი
08. 09. 2002
შვეიცარია-საქართველო 4:1

34. ევროპის ჩემპიონატის შესარჩევი მატჩი
30. 04. 2003
საქართველო-რუსეთი 1:0

35. ევროპის ჩემპიონატის შესარჩევი მატჩი
11. 06. 2003
ირლანდია-საქართველო 2:0

36. ამხანაგური მატჩი
27. 05. 2004
საქართველო-ისრაელი 0:1

37. ამხანაგური მატჩი
18. 08. 2004
მოლდოვა-საქართველო 1:0

38. მსოფლიო ჩემპიონატის შესარჩევი მატჩი
04. 09. 2004
თურქეთი-საქართველო 1:1

39. მსოფლიო ჩემპიონატის შესარჩევი მატჩი
08. 09. 2004
საქართველო-ალბანეთი 2:0

40. მსოფლიო ჩემპიონატის შესარჩევი მატჩი
17. 11. 2004
საქართველო-დანია 2:2

41. მსოფლიო ჩემპიონატის შესარჩევი მატჩი
26. 03. 2005
საქართველო-საბერძნეთი 1:3

42. მსოფლიო ჩემპიონატის შესარჩევი მატჩი
30. 03. 2005
საქართველო-თურქეთი 2:5

43. მსოფლიო ჩემპიონატის შესარჩევი მატჩი
04. 06. 2005
ალბანეთი-საქართველო 3:2

44. მსოფლიო ჩემპიონატის შესარჩევი მატჩი
17. 08. 2005
ყაზახეთი-საქართველო 1:2

45. მსოფლიო ჩემპიონატის შესარჩევი მატჩი
03. 09. 2005
საქართველო-უკრაინა 1:1

46. მსოფლიო ჩემპიონატის შესარჩევი მატჩი
07. 09. 2005
დანია-საქართველო 6:1

47. მსოფლიო ჩემპიონატის შესარჩევი მატჩი
08. 10. 2005
საქართველო-ყაზახეთი 0:0

48. მსოფლიო ჩემპიონატის შესარჩევი მატჩი
12. 10. 2005
საბერძნეთი-საქართველო 1:0

49. ამხანაგური მატჩი.
12. 11. 2005
ბულგარეთი-საქართველო 6:2

50. ამხანაგური მატჩი
16. 11. 2005
საქართველო-იორდანია 3:2

51. ამხანაგური მატჩი
27. 05. 2006
ახალი ზელანდია-საქართველო 3:1

52. ამხანაგური მატჩი
31. 05. 2006
პარაგვაი-საქართველო 1:0

53. ამხანაგური მატჩი
07. 10. 2006
გერმანია-საქართველო 2:0

54. ევროპის ჩემპიონატის შესარჩევი მატჩი
11. 10. 2006
საქართველო-იტალია 1:3

55. ევროპის ჩემპიონატის შესარჩევი მატჩი
02. 06. 2007
ლიტვა-საქართველო 1:0

56. ევროპის ჩემპიონატის შესარჩევი მატჩი
06. 06. 2007
საფრანგეთი-საქართველო 1:0

57. ამხანაგური მატჩი
22. 08. 2007
ლუქსემბურგი-საქართველო 0:0

58. ევროპის ჩემპიონატის შესარჩევი მატჩი
08. 09. 2007
საქართველო-უკრაინა 1:1

59. ამხანაგური მატჩი
16. 11. 2007
ყატარი-საქართველო 1:2

60. ევროპის ჩემპიონატის შესარჩევი მატჩი
21. 11. 2007
საქართველო-ლიტვა 0:2

61. ამხანაგური მატჩი
06. 02. 2008
საქართველო-ლატვია 1:3

62. ამხანაგური მატჩი
26. 03. 2008
ჩრ. ირლანდია-საქართველო 4:1

63. მსოფლიო ჩემპიონატის შესარჩევი მატჩი
06. 09. 2008
საქართველო-ირლანდია 1:2

64. მსოფლიო ჩემპიონატის შესარჩევი მატჩი
10. 09. 2008
იტალია-საქართველო 2:0

65. მსოფლიო ჩემპიონატის შესარჩევი მატჩი
11. 02. 2009
ირლანდია-საქართველო 2:1

66. მსოფლიო ჩემპიონატის შესარჩევი მატჩი
05. 09. 2009
საქართველო-იტალია 0:2

67. მსოფლიო ჩემპიონატის შესარჩევი მატჩი
10. 10. 2009
ჩერნოგორია-საქართველო 2:1

68. მსოფლიო ჩემპიონატის შესარჩევი მატჩი
14. 11. 2009
ბულგარეთი-საქართველო 6:2

69. ამხანაგური მატჩი
03. 03. 2010
საქართველო-ესტონეთი 2:1

70. ამხანაგური მატჩი
11. 08. 2010
მოლდოვა-საქართველო 0:0

71. ევროპის ჩემპიონატის შესარჩევი მატჩი
03. 09. 2010
საბერძნეთი-საქართველო 1:1

72. ევროპის ჩემპიონატის შესარჩევი მატჩი
07. 09. 2010
საქართველო-ისრაელი 0:0

73. ევროპის ჩემპიონატის შესარჩევი მატჩი
08. 10. 2010
საქართველო-მალტა 1:0

74. ევროპის ჩემპიონატის შესარჩევი მატჩი
12. 10. 2010
ლატვია-საქართველო 1:1

75. ამხანაგური მატჩი
17. 11. 2010
სლოვენია-საქართველო 1:2

76. ამხანაგური მატჩი
09. 02. 2011
სომხეთი-საქართველო 1:2

77. ევროპის ჩემპიონატის შესარჩევი მატჩი
26. 03. 2011
საქართველო-ხორვატია 1:0

78. ევროპის ჩემპიონატის შესარჩევი მატჩი
29. 03. 2011
ისრაელი-საქართველო 1:0

79. ევროპის ჩემპიონატის შესარჩევი მატჩი
03. 06. 2011
ხორვატია-საქართველო 2:1

80. ამხანაგური მატჩი
10. 08. 2011
პოლონეთი-საქართველო 1:0

81. ევროპის ჩემპიონატის შესარჩევი მატჩი
02. 09. 2011
საქართველო-ლატვია 0:1

82. ევროპის ჩემპიონატის შესარჩევი მატჩი
06. 09. 2011
მალტა-საქართველო 1:1

83. ევროპის ჩემპიონატის შესარჩევი მატჩი
11. 10. 2011
საქართველო-საბერძნეთი 1:2

ყოველდღიური სპორტული გაზეთი "ლელო"