საქართველოსა და თურქეთის ეროვნულმა ნაკრებებმა ამხანაგური შეხვედრისთვის ავსტრიაში ბოლო ვარჯიშები ჩაატარეს. როგორც ცნობილია, გუნდს ტრავმირებული ოთარ მარცვალაძე დააკლდა.
ნაკრების პრესსპიკერის, ოთარ გიორგაძის თქმით, თემურ ქეცბაიას განკარგულებაში მყოფმა 22-მა ფეხბურთელმა 23 მაისს გენერალური რეპეტიციაც ავსტრიის დაბა ფლახაუში გაიარა. ზალცბურგის "რედ ბულ არენაზე" კი გუნდი მხოლოდ 24 მაისს, თამაშისთვის გაემგზავრება:
"ყველა ფეხბურთელი ჯანმრთელად არის და კარგად აცნობიერებს, რომ მატჩის სასურველი შედეგით დასრულება საქართველოს ნაკრების რეიტინგს წაადგება".
შეხვედრას ავსტრიელ მსაჯთა ბრიგადა განსჯის: მთავარი არბიტრი მარკუს ჰამატერი იქნება, მას კი როლანდ ბრანდენი და კრისტიან
შეგახსენებთ, რომ მატჩი 24 მაისს, თბილისის დროით 22 საათზე დაიწყება. "საზოგადოებრივი მაუწყებლის" სპორტული პროდიუსერის, დავით მინაშვილის თქმით, შეხვედრის პირდაპირ ტელერეპორტაჟს "2 არხი" აჩვენებს. ეს გადაწყვეტილება იქიდან გამომდინარეობს, რომ "საზოგადოებრივმა მაუწყებელმა" "ევროვიზიის" პირდაპირი რეპორტაჟები შეიძინა, ფეხბურთისა და მუსიკალური ფესტივალის დრო კი ერთმანეთს ემთხვევა.
დღეს 22 საათზე, 2 არხზე (იბეჭდება მცირე ცვლილებით)
ყოველდღიური სპორტული გაზეთი "ლელო"
