სანაკრებო შემადგენლობაში კიდევ ერთი ცვლილება მოხდა - "ვიტ ჯორჯიას" მეკარე გრიგოლ ბედიაშვილის ნაცვლად ქეცბაიამ ახალგაზრდული ნაკრების გოლკიპერ როინ კვასხვაძეს უხმო. სხვათა შორის, კვასხვაძე ადრეც იყო გამოძახებული მთავარ ნაკრებში. ასაკის გამო მას 21-წლამდელებში გაისად თამაში აღარ უწევს. იმასაც შეგახსენებთ, რომ ბედიაშვილამდე ეროვნულ გუნდს ტრავმების გამო თბილისის "დინამოს" თავდამსხმელი მათე ვაწაძე და დანიური "ორჰუსის" შემტევი ნახევარმცველი დავით
ამ ცვლილებების შედეგად ნაკრებში გამოძახებული 24 ფეხბურთელის ნაცვლად 23 მოთამაშე დარჩა. ბევრი დააფიქრა პარასკევს მეორე ბუნდესლიგაში ჩატარებულ შეხვედრაში "კარლსრუეს" კაპიტან ალექსანდრე იაშვილის უთამაშებლობამ. იაშვილს მსუბუქი ტრავმა ჰქონდა. როგორც გავიგეთ, იაშვილი უკეთაა და ითამაშებს.
გუშინ ცნობილი გახდა, რომ ტრავმა მიიღო "მიუნხენი 1860-ის" მცველმა მათე ღვინიანიძემაც. მას საზარდული აწუხებს. შეცვლის თუ არა ქეცბაია ღვინიანიძეს, მალე გამოჩნდება.
ჩვენი ნაკრები დღეს პირველ ვარჯიშს ვაკეში, მიხეილ მესხის სახელობის არენაზე გამართავს. საქართველოსა და მალტის ეროვნულ ნაკრებებს შორის მატჩი 8 ოქტომბერს ბორის პაიჭაძის სახელობის ეროვნულ სტადიონზე 21 საათზე დაიწყება. ბილეთების ფასები 3, 5, 10 და 15 ლარი იქნება. მათი გაყიდვა ეროვნული სტადიონის სალაროებში დღეიდან დაიწყება.
