"სამწუხაროდ ნაკრებში თამაშს ვერ შევძლებ, რადგან მუცლის ძარღვი მაქვს გაგლეჯილი. გამოძახებული ვარ და ეროვნული გუნდის შეკრებაზე მაინც ჩამოვედი. ნაკრების ექიმ დიმიტრი ზაალიშვილს უკვე ვაჩვენე დაზიანება. გამსინჯა და დარწმუნდა, რომ თამაშს ვერ შევძლებ. ძალიან გული დამწყდა. იმედი მაქვს, ნაკრები ორივე თამაშს მოიგებს", - "ლელოსთან" საუბარში აღნიშნა ღვინიანიძემ.
მეტი
...ქეცბაიამ კი ღვინიანიძე შეკრებიდან გაათავისუფლა და მის ნაცვლად თბილისის "დინამოს" მცველ ლევან კაკუბავას უხმრო. ასე რომ ნაკრებში, კვლავაც 23 ფეხბურთელია. შემადგენლობა, რომელიც არაერთხელ შეიცვალა, ამჟამად ასე გამოიყურება:
რევიშვილი, ლორია, რ. კვასხვაძე, კალაძე, ხიზანიშვილი, ასათიანი, სალუქვაძე, ლობჟანიძე, ამისულაშვილი, კვირკველია, კაკუბავა, კობიაშვილი, მერებაშვილი, ანანიძე, სირაძე, გოგუა, კოშკაძე, გელაშვილი, დაუშვილი, კვეკვესკირი, კლიმიაშვილი, ა. იაშვილი, დვალიშვილი.
საღამოს ქეცბაიამ გუნდი მიხეილ მესხის სახელობის სტადიონზე ავარჯიშა. წვრთნამ ერთ საათს გასტანა. ვარჯიშზე ჯერჯერობით 18 ფეხბურთელია. დარჩენილი ხუთეულიდან ნაწილი ნაკრებს წუხელ შეუერთდა, ნაწილიც შეკრებაზე დღეს გამოცხადდება.
