საქართველოს ეროვნული ნაკრების ყოფილმა ფეხბურთელმა ლევან კობიაშვილმა 30 აპრილს საქართველოს შეიარაღებული ძალების დღე ქართველ ჯარისკაცებსა და საქართველოს მოქალაქეებს თავის "ფეისბუქის" ოფიციალურ გვერდზე მიულოცა. ლევანმა ასევე გამოაქვეყნა ფოტოსურათები, სადაც ის გერმანიაში მყოფი ქვეითი ბრიგადის 32-ე ბატალიონის ჯარისკაცებთან ერთად წვრთნაში მონაწილეობს.
შეგახსენებთ, რომ ლევანი საქართველოს ფეხბურთის ფედერაციის პრეზიდენტის არჩევნებში მონაწილეობას გეგმავს.
"დღეს ქართული შეიარაღებული ძალების დაარსების დღეა. მსურს, თითოეულ ჯარისკაცს და საქართველოს მოქალაქეს გულითადად მივულოცო ეს განსაკუთრებული დღე. ჩვენი გმირები საკუთარი სიცოცხლის ფასად დგანან სამშობლოს და ჩვენი უსაფრთხოების სადარაჯოზე.
ვისაც როგორ შეგვიძლია,
გუშინ, საფეხბურთო კლუბ "ჰერტას" სხვა წარმომადგენლებთან ერთად, პატივი მქონდა, ასეულობით ასეთი ვაჟკაცი მომენახულებინა და 16 მაისს ბერლინში, ბუნდესლიგის თამაშზე, "ჰერტა"-"ფრანკფურტის" მატჩზე, ოლიმპიურ სტადიონზე მომეწვია.
მინდა მადლობა გადავუხადო მათ ასეთი გულითადი დახვედრისათვის!
ქვეითი ბრიგადის 32-ე ბატალიონი გადასროლის წინა წვრთნებს გადის გერმანიაში, რის შემდეგაც ისინი ავღანეთში გაემგზავრებიან. ამ რთული მისიის წარმატებით ჩატარებას და სამშობლოში მშვიდობიანად დაბრუნებას ვუსურვებ მათ!"
იხილეთ ფოტოგალერეა
