ფოტოზე: ლევან მჭედლიძესაქართველოს ეროვნული ნაკრები ავსტრიულ შეკრებას აგრძელებს.
ეროვნულ გუნდს შეუერთდა დანიური "ორჰუსის" შემტევი მათე ვაწაძე, ვინც მომავალ სეზონს ამ ქვეყნის ჩემპიონატის უმაღლეს ლიგაში გაატარებს ("ორჰუსი" სუპერლიგას დაუბრუნდა).
ამრიგად, კახა ცხადაძის განკარგულებაში უკვე ყველა ის ფეხბურთელია, რომლებიც მან უკრაინასთან ამხანაგური და პოლონეთთან ევროშესარჩევი მატჩებისთვის შეიგულა.
გუშინდელი ვარჯიში ტრავმის გამო გააცდინა "ემპოლის" ფორვარდმა ლევან მჭედლიძემ. თუ რა სირთულისაა ტრავმა, დღეს გაირკვევა. არადა, მჭედლიძე შესანიშნავ ფორმაშია.
დღეს საღამოს საქართველოს ნაკრები ლინცში ივარჯიშებს, სადაც 9 ივნისს ამხანაგურ მატჩში უკრაინის ეროვნულ გუნდს დაუპირისპირდება.
