საქართველოს ეროვნული გუნდი კვლავ ავსტრიაშია და პოლონეთთან ვროპის 2015 წლის ჩემპიონატის შესარჩევი ციკლის მატჩისთვის სამზადისს იქ განაგრძობს. გუნდი დატოვეს ტრავმირებულებმა - გოგიტა გოგუამ და ლევან მჭედლიძემ.
ნაკრების თავკაცმა კახა ცხადაძემ 10 ივნისს, დილით მსუბუქი ვარჯიში ჩაატარა. მან ის შეგირდები დატვირთა, რომელთაც უკრაინელებთან შეხვედრაში არ უთამაშიათ, დანარჩენებს კი ამოსუნთქვის საშუალება მისცა.
საქართველოს ნაკრები პოლონეთში 12 ივნისს, ჩარტერული რეისით გაემგზავრება. მატჩი კი მეორე დღეს, 13 ივნისს, ვარშავაში გაიმართება და ჩვენი დროით 20 საათზე დაიწყება.
(იბეჭდება მცირე ცვლილებით)
ყოველდღიური სპორტული გაზეთი "ლელო"
