საქართველოს ნაკრების მთავარმა მწვრთნელმა კახა ცხადაძემ ჯაბა კანკავასთან დაკავშირებით დაშვებულ შეცდომაზე კომენტარი გააკეთა."ფაქტია, ძალიან ცუდი პრეცედენტი მოხდა. შეცდომა გაიპარა და ამით სერიოზული ზარალი მივიღეთ.
მე, სფფ-ის პრეზიდენტი ზვიად სიჭინავა, სფფ-ის გენერალური დირექტორი რევაზ არველაძე და ის ხალხი, ვის კომპეტენციაშიც შედის ასეთი საკითხები, დავილაპარაკებთ, თუ რა მოხდა.
ძალიან ცუდი რამე მოხდა და ამაზე ზომები იქნება მიღებული. ფაქტია, რომ გუნდს კაპიტანი დააკლდა. იქნება სანქციები იმ პირის მიმართ, ვინც შეცდომა დაუშვა.
თუმცა, ამასთან ერთად, მინდა ვთქვა, რომ ჩვენ ერთი გუნდი ვართ და
დავავალებ თანაშემწეს, ასეთი საკითხები გადამოწმდეს, რომ მომავალში მსგავსი შეცდომა არ განმეორდეს.
რაც შეეხება უეფას რეგულაციებს, როდესაც რამე ცვლილება არის, უეფა ამის შესახებ ინფორმაციას გვაწვდის.
ჩემი აზრით, არ შეიძლება ჯოხი ერთ ადამიანზე გადატყდეს, ყველამ უნდა ვიფიქროთ ამაზე და პასუხისმგებლობა ავიღოთ", - განაცხადა ცხადაძემ.
შეგახსენებთ, რომ კანკავამ უკრაინასთან და პოლონეთთან მატჩები გამოტოვა, როცა თავისუფლად შეეძლო ამ შეხვედრებში მონაწილეობის მიღება.
ავტორი: ლექსო ნაბახტეველი
უფრო მეტი ინფორმაციისთვის გამოიყენეთ ტეგი - ჯაბა კანკავა
