8 ოქტომბერს, საქართველოს ნაკრებმა ევრო 2016-ის შესარჩევი ციკლის ბოლოსწინა მატჩში გიბრალტარს ანგარიშით 4:0 მოუგო. თამაშის დასრულების შემდეგ კომენტარი ზურაბ ხიზანიშვილმა გააკეთა, რომელსაც მოედანზე გასვლის შანსი არ მისცემია:
"დღევანდელ შეხვედრაში მონაწილეობა ახალგაზრდა ფეხბურთელებს წაადგებათ, რადგან მათ სანაკრებო კარიერა ჯერ წინ აქვთ და ეროვნულ გუნდს და მის მოთხოვნებს უნდა შეეგუონ. დღეს მათ ძალიან კარგი გამოცდილება შეიძინეს.
მესმის, რომ გულშემატკივარს მეტი გოლის ნახვა სურდა, მაგრამ, როცა დებიუტანტები თამაშობენ, ისინი ყოველთვის ღელავენ. არ აქვს მნიშვნელობა, მეტოქე გიბრალტარია
ახლა სწორედ გერმანიასთან შეხვედრაზე ვფიქრობთ. მიმაჩნია, რომ მსოფლიოს ჩემპიონის წინააღმდეგ თამაში ყველა ფეხბურთელის სურვილია.
დღეს რატომ არ დამაყენა მწვრთნელმა, ეს არ ვიცი. შესაძლოა, გერმანიისთვის დამასვენა. მაგრამ ეს ამბავი გადაწყვეტილი ნამდვილად არ არის და არ ვიცი, ლაიპციგში ვითამაშებ თუ არა".
(იბეჭდება მცირე ცვლილებით)
ყოველდღიური სპორტული გაზეთი "ლელო"
